1. Pa 17 November 2021, khoti la mutawuni ya Severskiy yo ye muchigaŵa cha Tomsk likumusaniya ndi mulandu Mzichi Yelena Savelyeva ndipu likumuyeruzga kuti wangapalamulanga mulandu wewosi cha kwa vyaka vinayi. Iyu walutengi mujeri cha pasonu panu. Pakwamba loya waboma wangupempha kuti mzichi wakukota Yelena, wa vyaka 80, wayeruzgiki kuti wapereki ndalama zakukwana madola 7,197 nga ku America.

2. Pa 22 July 2021

   Khoti lingwamba kuvwisiya mulandu waki

3. Pa 25 March 2021

   Maloya nga ku Russia ngangumujuliya mulandu mzichi Yelena. Iyu wambika mulandu wakuti “wachichizga munthu kuti wachitengi vinthu vakukwaskana ndi gulu lakofya” vo vikoliyana cha ndi Dangu la ku Russia la nambala 282.2.

   Mulandu waki ukwaska anthukazi ŵaŵi wo Yelena wanguŵakambiya vo Bayibolu lisambiza. Yumoza mwa anthukazi ŵenaŵa ngwapolisi wa gulu la FSB ndipu munyaki wagwira ntchitu ku Russian National Guard. Pa nyengu yo, anthukazi ŵenaŵa anguja nge kuti akhumba kusambira Bayibolu. Kweni yiwu angujambula mwachisisi vo akambiskananga ndi Yelena ndipu angutumiza vinthu vakukwaskana ndi Yelena kweniso abali ndi azichi, kwa arara a boma

Nasi tija ndi chiganga asani tiwona kuti Yelena walutirizga kuja wakufwasa chinanga kuti watombozgeka. Tigomezga kuti Yehova wawona wosi wo ‘atesesa kuja ndi chivwanu cha uthenga wamampha ndipuso atopa cha wo atiŵasuska.’—Afilipi 1:27, 28.