Pa 10 February 2021, Khoti la muchigaŵa cha Abinskiy ku Krasnodar ku Russia, likuyeruzga kuti Mubali Aleksandr Ivshin, wa vyaka 63, wakaje mujeri kwa vyaka 7 ndi hafu. Vyaka ivi vinandi ukongwa pa vyaka vo Akaboni aku Yehova aja achiŵalangiya kutuliya po boma la Russia lingukaniziya gulu lidu mu 2017.

Pa 23 April 2020, arara a boma angumujuliya mulandu Mubali Ivshin. Angumumba “milandu” yakuti walongozga vakuchita vachisopa kuziya pa vidiyokoniferensi ndipuso kumba sumu za Ufumu. Wachikamba mazu ngaki ngakumaliya mu khoti, iyu wangukonkhoska fundu za mu Malemba pa vo wagomezga ndipu wangukamba kuti: Akutumbikika, fundu zo ndigwiriskiya ntchitu pa umoyu wangu zituliya mu Bayibolu, ndipu palivi chiheni pamwenga chakofya chechosi ndi fundu zenizi.”