Pa 6 July 2021, Mubali Aleksey Budenchuk wakutuzgika mujeri, mutawuni ya Orenburg wati wamaliza kugwira ukayidi pa cheruzgu cho angumulangiya. Iyu njumoza mwa abali 6 a mutawuni ya Saratov wo angumangika mu September 2019. Pasonu panu, abali ŵidu atatu ŵeche mujeri. Banja laku Aleksey ndipuso mabwezi ngaki angwenda mtunda wakujumpha makilomita 800 kuti akasanilikepu pa nyengu yo watuzgikanga mujeri. Iyu waweliyengi kwawu ku Saratov limoza ndi banja laki.