NOVEMBER 1, 2021
RUSSIA

Mubali Dmitriy Barmakin Walutirizga Kuja Wakukondwa Chinanga Kuti Waja Mujeri Kwa Nyengu Yitali

JULANI

Nyengu yo Khoti Liyeruzgiyengi Mulandu

Pambula kuswera yapa, khoti la Pervorechenskiy lo le muchigaŵa cha Vladivostok ku Primorye liperekengi cheruzgu pa mulandu wa Mubali Dmitriy Barmakin. a Loya waboma wechendakambi cheruzgu cho wakhumba kuti mubali uyu wapaskiki
Pa 20 April 2021

Mulandu wa Mubali Dmitriy ungwamba so
Pa 18 December 2020

Mulandu waki anguwuweze kwa loya waboma, chifukwa chakuti loya waboma wengavi ukaboni wakukwana wakulongo kuti Mubali Barmakin we ndi mulandu. Vo mubali uyu akumukaniza kuti wangachitanga cha vechendasinthi
Pa 18 October 2019

Pati pajumpha mazuŵa 447, Dmitriy angumutuzga ndipu angumukaniza kuchita vinthu vinyaki. Khoti laja lichisazgiyaku kwa maulendu 10 nyengu yo Dmitriy wajaliya mujeri kulindizgiya mulandu waki
Pa 28 July 2018

Pa 28 July 2018, cha mu ma 7:00 mulenji, gulu la apolisi wo angupinga futi ndipuso anguvwala vakujala kumasu angusere munyumba yo Dmitriy ndi Yelena ajanga achiphwere ambuyaki anthukazi aku Yelena a vyaka 90. Dmitriy ndi Yelena anguŵalutisa kwawu, ku Vladivostok, kutali mtunda wa makilomita 177. Dmitriy angumumanga ndikumuŵika mujeri nyengu yeniyo
Pa 27 July 2018

Mubali Dmitriy Barmakin angumujuliya mulandu
October 2017

Munthukazi wa vyaka 30 yo wagwira ntchitu ku ofesi ya Federal Security Service (FSB) wanguja nge kuti wakhumba kusambira Bayibolu. Iyu wangujambula mwakubisa vo abali ndi azichi akambiskananga

Vakukwaskana ndi Munthu Uyu

Dmitriy Barmakin

Chaka cho Wakuwiya: 1974 (Alushta, ku Crimea)

Mo Wakukuliya: Anyina akutayika iyu we ndi vyaka 10. Wangusambira vakubikabika ndipu pavuli paki wangusambira va mo wangapangiya mapulogilamu nga pa kompyuta. Wakutorana ndi muwolu waki Yelena, mu 2006. Atanja kuchitembeya kweniso kujambula vithuzi va vinyama

Wangugula Bayibolu laki lakwamba pa nyengu yo wenga pa sukulu. Wangukhorwa ndi ulongozgi wakutuliya mu Malemba. Mukuluta kwa nyengu, wangwamba kusambira Bayibolu ndi Akaboni aku Yehova. Wangubatizika mu 1994

Vo Dmitriy Wangumuka Wati Wafumbika

Pa nyengu yo mwenga mujeri, ntchinthu wuli cho chingukuwovyani kuti muje paubwezi wakukho ndi Yehova?

Ndechendaluti kujeri, zuŵa lelosi ndaŵerenganga Bayibolu. Fundu yikulu njakuti chifukwa chakuti mujeri uŵavi chakuchita, utuŵa ndi nyengu yinandi yakukumbuka kweniso kuŵanaŵaniya ukongwa vo ve mumaŵanaŵanu mwaku. Ungaleka cha kuŵanaŵana venivi. Ndipu asani mumaŵanaŵanu mulivi fundu zauzimu zakutuliya mu Bayibolu, vakusuzga kuja wakugomezgeka.

Kumbi ndi jalidu nili lo lingukuwovyani kukunthiyapu pa nyengu yo mwenga mujeri?

Yehova wangundipaska likondwa lo ndamupemphanga ndipu lawonekiyanga kwaku weyosi yo wenga nani pafupi. Pa nyengu yo atidananga mazina ndi mulenji, wakuwonere jeri munyaki wangundifumba kuti: “Barmakin, ntchifukwa wuli nyengu zosi umwemwete?” Ndingumumuka kuti: “Ndakondwa, ndichu chifukwa chaki ndimwemwete.” Wakuwonere jeri wangundifumba kuti “Ukondwa chifukwa chakuti we mujeri?” Ndingumumuka kuti: “Awa! Nyengu zosi ndija wakukondwa ndipu mujeri mungandilonda likondwa cha.” Chakukondwesa ukongwa ntchakuti ndinguziŵaku cha kuti ndimwemwete. Ndimu ndilili waka.

Kumbi mukhumbisiska kuchitanji chinanga kuti a khoti angayeruzga mwambula kwenere mulandu winu?

Ndivwisa kuti Chiuta wazomereza venivi kuchitika kuti zina laki likankhuskiki. Chinanga kuti arwani ayesesengi kuwofyeza ateŵeti aku Yehova ndipuso kuŵatondekesa kupharazga, ndiwona kuti akweruzga, wo agwira ntchitu ku khoti ndi maloya aziŵa kuti Akaboni aku Yehova mbanthu amampha. Mwaviyo, ndikhumbisiska kukankhuska Yehova.

Chinanga kuti Dmitriy ndi Yelena angasiyana so, kweni banja ili lipereka chakuwoniyapu chamampha ukongwa pakuchitiska kuti, ‘likondwa lo Yehova wapereka lije malu ngawu ngakuvikilirika.’—Nehemiya 8:10.

a Ndi nyengu zosi cha po akambiya limu zuŵa lo khoti liperekiyengi cheruzgu.

NKHANI