FEBRUARY 19, 2021
RUSSIA
Mubali Konstantin Guzev Atimumba Mulandu Chifukwa cha Chivwanu Chaki
UPDATE | Khoti Likukana Apilu ya Mubali Konstantin Guzev
Pa 13 May, 2021, Khoti la Muchigaŵa cha Jewish Autonomous likukana apilu ya Mubali Brother Guzev. Cheruzgu cho khoti ili lingupereka pakwamba kuti Mubali uyu wangapalamulanga mulandu wewosi cha kwa vyaka viŵi ndi myezi 6, chiyambengi kugwira ntchitu. Mubali uyu walutengi kujeri cha pa nyengu iyi.
Cheruzgu
Pa 18 February 2021, Khoti la muchigaŵa cha Birobidzhan of the Jewish Autonomous likuyeruzga kuti Mubali Konstantin Guzev wangapalamulanga mulandu wewosi cha kwa vyaka viŵi ndi hafu. Iyu walutengi kujeri cha pa nyengu iyi
Vakukwaskana ndi Munthu Uyu
Konstantin Guzev
Chaka cho Wakuwiya: 1964 (Ku Khabarovsk)
Mo Wakukuliya: Awisi ŵenga ankhaza kweniso amwanga ukongwa moŵa. Wajifumbanga vakukwaskana ndi chilatu cha umoyu. Chifukwa chakuti kwamuka wakusaniyanga cha, wangwamba kumwa munkhwala wakutimbanyizga wongu ndipuso moŵa. Pavuli paki, wangwamba kusambira Bayibolu ndi Akaboni aku Yehova. Iyu wangusaniya kwamuka kwa mafumbu ngo wenga nangu. Wangusintha vinthu vinandi pa umoyu waki. Wangubatizika mu 2000. Wangutorana ndi Anastasiya mu 2001
Vo Vinguchitika Kuti Wambiki Mulandu
Mu May 2018, arara a boma anguchifufuza munyumba ya Mubali Konstantin. Kufufuza uku nkhweniko ŵaraŵara a boma atikudana kuti “Zuŵa la cheruzgu.” Panyengu yo afufuzanga, apolisi akukwana 150 anguchifufuza nyumba za Akaboni aku Yehova mutawuni yosi ya Birobidzhan. Pa 29 July 2019, Mubali Konstantin angumujuliya mulandu. Mulandu waki wenga wakuti wachita vinthu vakukwaskana ndi gulu lo boma likamba kuti ndi “gulu lakofya.”
Akaboni aku Yehova akukwana 22 muchigaŵa ichi kusazgapu muwolu waku Konstantin zina laki Anastasiya, akuŵajuliya milandu yakupambanapambana yakukwana 19.
Chakuwoniyapu cha abali ndi azichi ku Russia wo angulongo chiganga chinguwovya Konstantin ndi Anastasiya kuja akukho. Konstantin wangukamba kuti: “Ndajiwone ndija ndi masu ngangu ndipuso kujivwiya ndi makutu ngangu vo azichi anyaki akambanga kuti pakwamba alongoronga chechosi cha mukhoti. . . . Kweni ndi chovyu chaku Yehova kweniso mapempheru nga abali, yiwu angwamba kulongoro ndipuso kuvikiliya chivwanu chawu.”
Tiŵanaŵaniya kweniso tipemphere abali ndi azichi ŵidu wosi ku Russia. Tigomezga kuti vosi vo anganozga pakulimbana ndi abali ŵidu viŵalondengepu cha chivwanu chawu chifukwa Yehova we nawu—Yesaya 8:10.