Pa 15 September 2023, Mubali Maksim Beltikov wakutuzgika mujeri la Khadyzhensk, ku Russia. Pa 17 January 2022 angumumba mulandu ndi kumuyeruzga kuti wakaje mujeri kwa vyaka viŵi. Khoti linguyeruzga kuti watuzgiki mujeri pa 15 September 2023 lati lawona kuti waja kali vyaka viŵi vo akhumbanga kumupasa pa mulandu waki.

Mubali Maksim ndi muwolu waki, Mariya, ŵe ndi ŵana atatu. Wechendamangiki, Maksim wangukamba kuti: “Ini limoza ndi banja langu titesesa kuchita vinthu vauzimu nyengu zosi chinanga kuti tikumana ndi masuzgu ndipu cho tikumbuka ntchakuti Yehova ndiyu walongozga vinthu. Ndipu kwali vinthu vingaŵa wuli paumoyu widu tisimikiza kulondo mazu nga pa Yoswa 24:15. Lemba ili likamba kuti: ‘Kweni ini ndi a munyumba yangu, titeŵetiyengi Yehova.’”

Panyengu yo amumbanga mulandu wakuti wachita vinthu vakofya, Mubali Maksim mwachiganga wangukambiya khoti kuti: “palivi chinthu chechosi chakofya cho ndichita. Cho ndiziŵa ntchakuti ndichita cho ntchakwenere, ndipu ndichitapu soni cha. Ndikondwa kuziŵika kuti nde yumoza wa Akaboni aku Yehova.”

Pakuti sonu Mubali Maksim, muwolu waki Mariya, ndipuso ŵana ŵawu asani ayamba kuchitiya limoza vinthu, tigomezga kuti Yehova walutirizgengi kuŵatumbika ndipuso kuŵawovya.—Salimo 4:3.