1. Pa 11 August 2021, khoti la Abinskiy lo le muchigaŵa cha Krasnodar likumusaniya ndi mulandu Mubali Vasiliy Meleshko ndipu likumuyeruzga kuti wakaje mujeri kwa vyaka vitatu. Khoti likuyeruzga venivi pati pajumpha mazuŵa ngaŵi kutuliya po linguvwisiya mulandu waki. Iyu anguluta nayu mujeri kutuwa mukhoti. Mubali uyu ngwachinayi pa Akaboni aku Yehova wo anguŵayeruzga mwaliŵi ukongwa ndipuso kuŵasaniya ndi mulandu a

2. Pa 10 August 2021

   Mulandu wa Mubali Vasiliy ungwamba. Wati wafumbika ndi akweruzga, Vasiliy wangukamba mwachiganga kuti iyu ndi Kaboni waku Yehova

3. Pa 24 June 2021

   Vinthu vo Vasiliy ndi Mubali Aleksandr Ivshin angukambiskana anguvisazga pa vifukwa vakumumbiya mulandu. Loya wa boma wangukamba kuti yiwu akambiskananga nkhani zachisopa zakukwaskana ndi “uteŵeti waku Yehova Chiuta”

4. Pa 12 April 2021

   Vasiliy angumusaniya ndi mulandu wakuti “wapereka ndi kuvwisiya nkhani zakukwasana ndi mabuku nga chisopa” ndipuso “kuti akambiskana mu magulu nkhani zo ze mu mabuku nga chisopa”

5. Pa 7 April 2021

   Nyengu ya 6:30 mulenji, asilikali atatu, akufufuza anayi ndipuso ndipuso ŵanthu anyaki ŵaŵi, angufufuza nyumba yaku Vasiliy ndi Zoya Meleshko mwambula kuzomerezeka. Vasiliy angumutole ko afumbiya mafumbu. Akufufuza angumujambula vithuzi panthazi panyumba yaki kweniso panyumba yo abali ŵidu achitiyamu maunganu. Akufufuza ŵenaŵa agwiriskiyanga ntchitu vithuzi venivi nge ukaboni wakulongo kuti Vasiliy wambika mulandu. Vasiliy angumuyeruzga kuti wangatuwangamu cha muchigaŵa ichi

Po kutombozgeka ndipuso masuzgu ngalutirizga kuwiya abali ndi azichi ŵidu ku Russia wo ndi “uthenga uheni,” te ndi chigomezgu kuti Vasiliy ndi banja laki alutirizgengi kuja akukho ndipuso asukunyikengi cha po ‘athemba Yehova.’—Salimo 112:7, 8.