Pa 16 September 2020, khoti la muchigaŵa cha the Penza lingupereka cheruzgu chaki pa mlandu wa apilu wakukwaskana ndi Mubali Vladimir Alushkin, Vladimir Kulyasov, Andrey Magliv, ndi Denis Timoshin, kweniso Mzichi Tatyana Alushkina ndi Galiya Olkhova. Khoti ili lachepesa vyaka vo Mubali Alushkin angumukambiya kuti wakaje mujeri. Pakwamba angumuyeruzga kuti wangapalamulanga mulandu wewosi cha kwa vyaka 6, kweni sonu amupaska vyaka 4. Te akukondwa kuti mubali uyu wamuja mujeri so cha. Kweni khoti ili lasintha cha cheruzgu chaki chakukwaskana ndi abali ndi azichi anyaki wo akambika pachanya yapa.