SEPTEMBER 18, 2023
RUSSIA

Mubali Vladimir Balabkin, Wavyaka 71, Wakuyeruzgika Kuti Wakaje Mujeri kwa Vyaka Vinayi

JULANI

Pa 13 September 2023, Khoti la mu Tawuni ya Amur ku Belogorsk likukamba kuti Mubali Vladimir Balabkin we ndi mulandu ndipu likumuyeruzga kuti wakaje mujeri vyaka vinayi. Ŵati amaliza waka kupereka chigamulu chenichi anguluta nayu kujeri nyengu yeniyo.

Vakukwaskana ndi Munthu Uyu

Vladimir Balabkin

Chaka cho Wakuwiya: 1952 (Belogorsk)

Mo Wakukuliya: Wagwiranga ntchitu ku kampani ya sitima za pamtunda nge wakukambiskana ndi ŵanthu wo atendesa sitima. Kweni sonu wakupumuwa pa ntchitu iyi.

Wakutorana ndi Tatyana mu 1972. Ndipu ŵe ndi ŵana ŵaŵi

Tatyana ndiyu wangwamba kusambira Bayibolu ndipu wangubatizika mu 1994. Ndipu Vladimir wangukhorwa wati waziŵa vakukwaskana ndi zina laku Yehova. Iyu wangubatizika kuja Kaboni waku Yehova mu 1995

Vo Wangumuka Wati Wafumbika a

Kumbi mwasambiranjipu pa vo vakuchitikiyani? b

Chinthu chakukhumbika ukongwa cho ndasambira ntchakuti ndikhumbika cha kujithemba ndija, mumalu mwaki ndikhumbika kumuthemba ukongwa Yehova ndipuso gulu laki. Ndigomezga kuti ulongozgi wo Yehova watitipasa, nyengu zosi uja wakovya kweniso wa panyengu yaki mwakukoliyana ndi vo ndakumana navu. Kweniso ndajiwone ndija kukhumbika kwa pempheru. Ndikamba viyo chifukwa chakuti ŵechendayambi kundifumba pamwenga kuti ndechendasere mu khoti, ndachitanga mantha. Kweni nyengu yosi yo ndapemphere, ndajanga ndi chimangu chamumtima. Venivi vandiwovya kuti mu mapempheru ngangu, ndizumbuwengi vinthu chayivu vo ndikhumba kwali vakukwaskana ndi ndamweni pamwenga vakukwaskana ndi ŵanthu anyaki.

Tikondwa ndi chakuwoniyapu chamampha chaku Vladimir pa nkhani kuthemba Chiuta ndi mtima wosi ndipu tigomezga kuti Yehova walutirizgengi kumupaska nthazi kweniso chimangu.—Salimo 29:11.

Nyengu yo Vinguchitikiya

2 March 2021

Angumujuliya mulandu
4 March 2021

Angufufuza munyumba yaki
18 May 2023

Angwamba kumumba mulandu
13 September 2023

Angumumanga ndipu angumuyeruzga kuti wakaje mujeri vyaka vinayi

a b Mubali Balabkin wangukonkhoska vo valembeka mu nkhani iyi wati wayeruzgika waka kuti wakaje mujeri.

NKHANI