JANUARY 7, 2022
RUSSIA

Mubali Vladimir Chesnokov, Vladimir Dutkin ndi Valeriy Yakovlev Ambika Mulandu Mukhoti Chifukwa cha Chivwanu Chawu Mwaku Chiuta

JULANI

Nyengu yo Khoti Liyeruzgiyengi Mulandu

Pambula kuswera yapa khoti la muchigaŵa cha Kalininskiy ku Cheboksary liperekengi cheruzgu chakukwaskana ndi Mubali Vladimir Chesnokov, Vladimir Dutkin ndi Valeriy Yakovlev. Loya wa boma wechendakambi cheruzgu cho wakhumba kuti abali yaŵa apaskiki
Pa 7 June 2021

Vladimir Chesnokov ndi Valeriy Yakovlev angusazgika pa gulu lakumbika mulandu
Pa 30 December 2020

Vladimir Dutkin angumusaniya ndi mulandu ndipuso akumukaniza kuti wangatuwangamu cha mucharu chaki kuluta mucharu chinyaki
Pa 25 November 2020

Arara a boma angufufuza munyumba yaku Vladimir Dutkin ndipu angwamba kumumba mulandu. Anguluta nayu kuchimufumba mafumbu

Vakukwasakana ndi Ŵanthu Yaŵa

Vladimir Chesnokov

Chaka cho Wakuwiya: 1959 (Bakhmutovo, Chuvash Republic)

Mo Wakukuliya: Wakumaliza masambiru ngaki nga usilikali nge wachiŵi kwa ara ŵa asilikali. Iyu ndi muwolu waki Nina alera ŵana atatu anthulumi

Pa nyengu yo wagwiranga ntchitu ya usilikali, wangusambira malayizgu nga mu Bayibolu ngakuti ŵanthu “azamusula malipanga ngawu kuti ngaje mayembi nga pulawu ndipuso azamusula mikondu yawu kuti yije vidya vakuphatiya vimiti.” (Yesaya 2:4) Wanguto peshoni ya usilikali ndipu wangubatizika mu 1993

Vo Vladimir Wangumuka Wati Wafumbika

Kumbi abali ndi azichi akuwovyani wuli?

Abali ndi azichi atitiwovya ukongwa. . . . Yiwu angutifumba asani tipenjengi chovyu chakukwaskana ndi ndalama asani angatijaliya makadi ngidu nga ku banki. Venivi vingumuchiska ukongwa muwolu wangu yo ndi Kaboni waku Yehova cha. Sonu Wawona umampha wakugwiriskiya ntchitu uneneska wa mu Bayibolu. Iyu watiŵawona mwakwenere Akaboni aku Yehova ndipu watindikaniza so cha kusopa Yehova nge po wachitiyanga kali.

Vladimir Dutkin

Chaka cho Wakuwiya: 1963 (Novoaltaysk, Muchigaŵa cha Altai)

Mo Wakukuliya: Watanja kutchaya masaza ngakupambanapambana nge volleyball, bola la malundi ndi hockey. Wagwira ntchitu yakupereka maishuwalansi

Kusambira mauchimi nga mu Bayibolu kweniso kufiskika kwaki kungumuwovya kuti waje ndi chivwanu chakukho mwaku Yehova Chiuta. Wakubatizika mu 2002

Vo Vladimir Wangumuka Wati Wafumbika

Kumbi ntchinthu wuli chakupaskaningi nthazi pa nyengu yakusuzga yeniyi?

Ŵati afufuza munyumba yangu, ndingupemphera kwaku Yehova kuti wandipaski likondwa ndi zeru. Pa nyengu yeniyi, ndaŵanaŵaniyanga waka mo vakuchita vangu vingatowese zina laku Yehova. . . . Maŵanaŵanu ngenanga ngandipaskanga nthazi ukongwa.

[Ndakondwanga so ukongwa] kukambiyaku abali ndi azichi anyaki vitumbiku vo ndakumananga navu. Ndingakamba kuti venivi vaŵachiskanga ukongwa . . . Vakukondwesa ukongwa kuvwa anyaki mwaku yiwu achikamba kuti ŵati awona chakuwoniyapu changu anguleka kufipa mtima ukongwa.

Kuŵerenga ndipuso kuŵanaŵaniya Mazu ngaku Chiuta kutovya abali ndi azichi ŵidu kukunthiyapu masuzgu ngo akumana nangu zuwa lelosi pa umoyu wawu kweniso kuwona kuti Yehova ndi ‘mduzi wawu pa zuŵa la soka.’—Salimo 27:5.

NKHANI