Khoti la muchigaŵa cha Leninskiy ku Rostov-on-Don, pambula kuswera yapa liyeruzgengi mulandu wa Mzichi Galina Parkova. a Asani angamusaniya ndi mulandu, Loya yo wamiya boma pa milandu wapempha khoti kuti liyeruzgi kuti mzichi uyu wangapalamulanga mulandu wewosi cha kwa vyaka vitatu.

Galina Parkova

• Chaka cho Wakuwiya: 1970 (Ku Kaltan)

• Mo Wakukuliya: Mu 1990, Galina wangutolana ndi Aleksandr. Yiwu ŵe ndi ŵana anthukazi atatu kweniso azuku ŵaŵi. Mzichi Galina ndi mulumu waki angusambizika Bayibolu ndi Akaboni aku Yehova. Mzichi uyu wangubatizika mu 1995. Watanja kumba kweniso kujambula

Arara a boma angwamba kumba mulandu Mzichi Galina pa 6 June 2019. Venivi vinguchitika pati pajumpha masabata ngamanavi kutuliya po mulumu waki Aleksandr wangumangika, ndipu angumuŵika mujeri kulindiziya mulandu waki.

Chifukwa chakuti mulumu waki wakumangika, vakusuzga kuti wasaniyengi ndalama zakuti wagulengi vakukhumbika. Kusazgiyaku yapa, apolisi akujalisa khadi laki la ku banki vo vichitiska kuti kuŵi kwakusuzga kugwiriskiya ntchitu ndalama zaki zo ze ku banki. Chifukwa chakuti ntchitu yo wagwiranga wakuleka, Mzichi Galina wachita waka timaganyu kuti wasaniyengi vakukhumbika.

Abali ndi azichi ŵidu ku Russia ‘mbanthu arunji wo ŵanthu atiŵachitiya vinthu nge kuti achita vinthu viheni.’ (Wakutawula 8:14) Mwakuyanana waka, chakuwoniyapu chawu chamampha pankhani yakulongo chivwanu chititichiska kuti tilutirizgi kuja akugomezgeka kwali tingakumana ndi masuzgu wuli.