Khoti la Birobidzhan of the Jewish Autonomous ku Russia, pambula kuswera yapa liperekengi cheruzgu chaki pa mulandu wa Mzichi Nataliya Kriger. a Loya wa boma wechendakambi cheruzgu cho ŵakhumba kuti Nataliya wazilonde.

Nataliya Kriger

• Chaka cho Wakuwiya: 1978 (Ku Khabarovsk)

• Mo Wakukuliya: Anyina aku Nataliya akutayika iyu weche bonda. Wajanga kunyumba yo aleriyaku ŵana alanda. Wati wafika vyaka 6, wangwenda mtunda wa makilomita 400 kuluta ku Amurzet, ku Russia. Kwenuku ndiku kwajanga ambuyaki anthukazi, ankhazi ŵaki ndipuso musiŵani waki wo Mbakaboni aku Yehova ndipu wangwamba kuja nawu limoza. Wagwiranga ntchitu yakuphwere ŵanthu akukota

• Wakubatizika kuja Kaboni waku Yehova mu 1999. Ndipu wakutolana ndi Valeriy mu 2017. Yiwu atanja kuvina, kuvuŵa watu ndipuso kukwera mapiri

Mu May 2018, ŵaraŵara a boma ku Russia anguchifufuza munyumba ya Mzichi Kriger. Kufufuza kwenuku ndiku ŵaraŵara a boma atikudana kuti “Zuŵa la Cheruzgu.” Venivi vati vachitika, loya wa boma wangumujuliya mulandu Mubali Valeriy. Pa 6 February 2020, Nataliya nayu angumujuliya mulandu. Wenga mu gulu la azichi 6 wo angumbika mulandu pa zuŵa ili.

Kusazgapu pa chiyesu chenichi, Nataliya wenga so ndi chitima chifukwa cha nyifwa ya ambuyaki anthukazi wo angutayika mu mwezi wenuwu wa February 2020. Waja wachiphwere ambuyaki ŵenaŵa kwa vyaka 6.

Chifukwa chakuti Nataliya we pa ubwezi wakukho ndi Yehova, vitimuwovya kuti wakunthiyengepu mayeseru ngenanga. Iyu wakamba kuti: “Kupemphere anyangu kutindiwovya kuti ndileki kuŵanaŵaniya waka masuzgu ngo ndikumana nangu. Yehova we nani pafupi ukongwa pa nyengu yosi yeniyi. Iyu wamuka mapempheru ngangu ndipu watindiwovya.”

Kanandi, Nataliya waŵanaŵaniya vo vitimuchitiska kugomezga kuti Yehova walutirizgengi kumuwovya. Iyu wangukamba kuti: “Lemba la Salimo 94:19 litindichiska ukongwa. Lemba ili likamba kuti: ‘Yimwi mungundipembuzga kweniso mungundisisipuwa.’ Pe vakuyeruzgiyapu vinandi va ateŵeti aku Chiuta a munyengu yakali kweniso a mazuŵa nganu wo angukunthiyapu mwachiganga mayeseru ngo angukumana nangu. Kuŵanaŵaniya vakuyeruzgiyapu venivi kutindiwovya ukongwa kuja ndi nthazi.”