OCTOBER 18, 2022
RUSSIA
“Ndikondwa Kuziŵika ndi Zina Laku Yehova”
Pa 10 October 2022, khoti la mutawuni ya Kezhemskiy lo le muchigaŵa cha Krasnoyarsk, linguyeruzga kuti Mubali Ildar Urazbakhtin ngwakunanga. Iyu wakuyeruzgika kuti wangapalamulanga mulandu wewosi cha kwa vyaka vitatu, ndipu wakhumbika kuluta kujeri cha pasonu panu.
Nyengu yo Vinguchitikiya
20 July 2021
Apolisi angufufuza nyumba pafufupi 5 za Akaboni aku Yehova mutawuni ya Kodinsk, kusazgapu nyumba ya Mubali Ildar ndi banja laki. Iyu angumuŵika mujeri wachilindizga kuti mulandu waki uyeruzgiki
21 July 2021
Angumutuzga mujeri ndipu wangwamba ukayidi wa panyumba. Angumukaniza kugwiriskiya ntchitu foni pamwenga Intaneti
20 September 2021
Angumutuzga pa ukayidi wa panyumba ndipu angumukaniza kwenda ku malu nganyaki
13 January 2022
Angumusaniya ndi mulandu wakuti wagwiriskiyanga ntchitu vidiyokoniferensi kuti “wachiski ŵanthu kuti asambirengi ukongwa Bayibolu kweniso wachiskanga abali ndi azichi kuti awovyanengi”
30 March 2022
Khoti lingwamba kuyeruzga mulandu waki.
Vakukwaskana ndi Mubali Uyu
Vo vikuchitikiya Mubali Ildar kweniso abali ndi azichi anyaki ku Russia vititikumbusa kuti Chiuta widu Yehova, wakhumbisiska ndipu ngwakunozgeka kutiwovya “pa nyengu ya masuzgu.”—Salimo 46:1.