Pambula kuswera yapa, Khoti la Votkinskiy lo le muchigaŵa cha Udmurtian liperekengi cheruzgu pa mulandu wa Mubali Sergey Gobozev ndi Mikhail Potapov. Loya waboma wechendakambi cheruzgu cho wakhumba kuti abali yaŵa apaskiki.

1. Pa 20 January 2021

   Arara a boma angwamba kumba mulandu Sergey ndi Mikhail ndipu aŵambanga mulandu wakuti anozga vinthu vakukwaskana ndi gulu lakofya

2. Pa 21 January 2021

   Munyumba mwaku Sergey mungufufuzika. Apolisi angulonda vinthu vaki, nge layisensi, vimakalata va galimotu, vipangizu vamagesi, alubamu ndipuso Mabayibolu ngakupambanapambana. Apolisi angumanga so Mikhail kweniso angufufuza munyumba mwaki

3. Pa 22 January 2021

   Sergey angumuyeruzga kuti wakachitengi ukayidi wapanyumba. Mikhail anguchimuŵika mujeri kulindizgiya mulandu waki

4. Pa 18 May 2021

   Sergey angumutuzga pa ukayidi wapanyumba kweni angumukaniza kuti wangatuwangamu cha mucharu chaki kuluta kucharu chinyaki

5. Pa 19 May 2021

   Mikhail angumutuzga mujeri kulindizgiya mulandu waki ndipu angumukaniza kuti wangatuwangamu cha mucharu chaki kuluta kucharu chinyaki

6. Pa 7 October 2021

   Mulandu wawu ungwamba

Tigomezga kuti Yehova walutirizgengi kuwovya Sergey ndi Mikhail po alutirizga kuchita vo angafiska kuti aje ndi chivwanu chakukho kuziya mukusambira Bayibolu ndipuso pempheru.—Akolose 2:6, 7.