1. Pambula kuswera yapa, khoti la muchigaŵa cha Orenburg liyeruzgengi mulandu wa Mubali Vladimir Kochnev, Vladislav Kolbanov, Pavel Lekontsev, Sergey Logunov, ndi Nikolay Zhugin. a Loya wa boma wechendakambi cheruzgu cho wakhumba kuti ŵanthu yaŵa apaskiki

2. Pa 1 March 2021

   Pati pajumpha chaka mulandu wati wawere ku ofesi ya loya waboma, Khoti la ku Industrialniy lo le muchigaŵa cha Orenburg lingwamba kuvwisiya mulandu

3. Pa 14 January 2020

   Mulandu wa abali yaŵa unguwere ku ofesi ya loya waboma chifukwa mulandu wawu wengavi ukaboni wakukwana

4. Pa 3 August 2018

   Vladimir wangutuzgika mujeri mo walindizgiyanga mulandu waki wati wajamu kwa mazuŵa 79 ndipu wangwamba kuchita ukayidi wapanyumba

5. Pa 16 May 2018

   Arara aboma angufufuza munyumba za mabanja 19 muchigaŵa cha Orenburg. Vladimir ndi Vladislav anguŵatumiza kujeri kulindizgiya mulandu wawu. Vladislav wangutuzgika mujeri kuti wakachitengi ukayidi wapanyumba wati wajamu kwa mazuŵa ngatatu

6. Pa 14 May 2018

   Gulu la Investigative Directorate lo ntchigaŵa cha Komiti ya Akufufuza (Investigative Committee of the Russian Federation) muchigaŵa cha Orenburg, lingwamba kumba mulandu abali wosi ankhondi

Chinanga kuti makhoti ngalutirizga mbwenu kuŵamba mulandu chifukwa cha chivwanu chawu kwa vyaka vakujumpha vitatu, kweni abali ndi azichi ŵidu akwanjiwa mbakukhumbisiska kulutirizga kuja akugomezgeka kwaku Yehova. Vakuwoneke limu kuti Yehova walutirizga kuŵachitiya vinthu mwakugomezgeka.—2 Samuyeli 22:26.