Nkhakwamba mu mbiri ya ku South Korea, kuti boma lizomerezgi kuti ŵanthu wo akana kusere usilikali chifukwa cha njuŵi yawu agwirengi ntchitu zinyaki zambula kukwaskana ndi usilikali. Pa 26 October 2020, abali ŵidu 63 angusayina fomu yeniyi ndipu anguŵakambiya kuti agwirengi ntchitu zo kwa vyaka vitatu ŵe kujeri. Ndipu ntchitu yawu yasazgangapu kunozga vakurya, kugula vinthu, usambizi, uchanda ndipuso ntchitu za kuchipatala kweniso kunozga vinthu. Mwakukoliyana ndi marangu ngasonu, asani abali aja mujeri kwa myezi yiŵi, angaŵazomereza kuti alutengi ku maunganu kweniso kupharazga asani amaliza kugwira ntchitu yawu. Kweni, abali wo aluta ku maunganu akhumbikanga kuweriyaku kujeri 9 koloku usiku.

Mubali Kim Hyun-soo, yumoza mwa abali 63, wangukamba kuti: “Chinanga kuti ntchitu izi zapachanya cha nge mo viŵiya ndi ntchitu zinyaki pacharu chosi, ndikusankha kuti ndigwirengi ntchitu zenizi chifukwa chakuti zikoliyana cha ndi usilikali.”

Te ndi chigomezgu kuti abali ŵidu akugomezgeka ku South Korea alutirizgengi kukankhuska ndipuso kuthamika Yehova ndi ‘ntchitu zawu zamampha.’—Mateyu 5:16.