Pa 11 January, 2021, khoti la ku Turkmenistan likumusaniya ndi mulandu Mubali Ruslan Artykmyradov ndipu likumuyeruzga kuti wakaje mujeri kwa vyaka viŵi. Aka nkhachiŵi kuti mubali uyu amuyeruzgi kuti wakaje mujeri chifukwa chakukana kusere usilikali.

Khoti lati lapereka cheruzgu chenichi, Mubali Ruslan wenga wakukondwa ndipuso wamwemwetiyanga. Po alutanga nayu kujeri iyu wangukamba mazu ngo Yesu wangukamba, pa Mateyu 24:13 ngakuti: “Yo wazamukunthiyapu mpaka pakumaliya ndiyu wazamutaskika.”

Tichiskika ndi chivwanu cho abali ŵidu achinyamata ku Turkmenistan ŵenachu. Yiwu afwiyapu kulondo Yesu yo ntchakuwoniyapu chidu. Iyu wangukunthiyapu vinandi “chifukwa cha likondwa lo linguŵikika panthazi paki.”—Aheberi 12:2.