Pa 29 August 2021, Chimphepu cha Ida chikufika kufupi ndi Port Fourchon, Louisiana. Chimphepu chanthazi chenichi chikuchitiska kuti maji ngazazi munyanja kweniso kuti kuwi chivuwa chanthazi. Venivi vinguchitiska kuti maji ngasapaliyi, nyumba zinangiki ndipuso kuti ŵanthu aŵevi magesi ku Gulf Coast. Pa 1 September, kunkhondi cha kuvuma kwa United Satates maji ngangusapaliya ndipuso kwenga mphepu chifukwa cha Chimphepu cha Ida. Mu malu nganyaki ŵanthu alindizgengi magesi kwa masabata kuti ngazi.

• Pasonu panu, vilongo kuti palivi mubali pamwenga mzichi yo wakutayika

• Abali ŵaŵi akupwetekeka kamanavi

• Mzichi yumoza wakuphwetekeka wachithaŵa kutuwa munyumba yaki

• Nyumba 1,429 zikunangika kamanavi

• Nyumba 183 zikunangika ukongwa

• Nyumba 19 zikunangikiya limu

• Nyumba za Ufumu 43 zikunangika kamanavi

• Nyumba za Ufumu 10 zikunangika ukongwa

• Malu nga Unganu nganayi ngakunangika kamanavi

• Akuwonere dera ndi ŵara kweniso Makomiti nga Kovya pa Masoka achiska abali ndi azichi wo akwaskika

• Ŵanthu wo akhumbika chovyu alonde vinthu nge chakurya, maji ndipuso munkhwala

• Abali ndi azichi wosi wo atovya pa ntchitu yakovya pamasoka alondo ulongozgi wa mo angajivikiliya mulili wa COVID-19

Abali ŵidu anozgeke ndipu aziŵa vo angachita asani kwachitika masoka ngachilengedu. Yiwu avwiya so boma ndipu asama muvigaŵa vakofya. Vosi venivi vitovya kuti avikiliyi umoyu.—Nthanthi 22:3.