Kumwera cha Kuvuma kwa United States

• Pa 28 October 2020 chimphepu chanthazi chikunanga vinthu ku Louisiana. Pavuli paki, chimphepu chenichi chingunanga vinthu muvigaŵa vinyaki va kumwera kwa United States

• Maji ngangusapaliya muvigaŵa va mumphepeti mwa nyanja ndipuso chimphepu chingunanga vinthu ndipu mu malu nganandi magesi nganguzimwa

• Apharazgi 324 akhumbikanga kutuwamu dankha munyumba zawu

• Mupharazgi yumoza wangupwetekeka kamanavi

• Nyumba 291 kweniso Nyumba za Ufumu 14 zingunangika kamanavi

• Nyumba 8 kweniso Nyumba za Ufumu zitatu zingunangika ukongwa

• Nyumba yimoza yingunangikiya limu

• Ŵara kweniso akuwonere madera achiska kweniso kovya abali ndi azichi mwakuliŵavu wo akwaskika ndi chimphepu chenichi. Komiti Yakovya pa Masoka yo yikusankhika kuti yiwovyengi wo akwaskika ndi COVID-19 kweniso chimphepu cha Laura muchigaŵa chenichi, yitovya so ŵanthu wo akukwaskika ndi chimphepu cha Zeta po alutirizga kulondo ulongozgi wa COVID-19.

Te ndi chitima kuvwa kuti abali ndi azichi ŵidu akumana ndi masuzgu ngakulu chifukwa cha chimphepu chenichi. Kweni yapa so chanju chaku Yehova chilongoleka kuziya mu ntchitu yakovya abali pacharu chosi.—Salimo 89:1.