California, Oregon ndi Washington

• Motu wawotcha malu ngakulu ngakujumpha mayekala 5 miliyoni kutuwa ku California mpaka ku Washington

• Motu ulutirizga kubuka ndipu uchitiska kuti mphepu yinangiki

• Uwu ndi motu ukulu ukongwa wo wenga wechendachitikepu mumbiri yosi ya ku California

• Apharazgi 4,546 angutuwamu muzinyumba zawu

• Nyumba 61 zingunangikiya limu

• Nyumba 16 zingunangika

• Makomiti Ngakovya pa Masoka ngalutirizga kugwiriya ntchitu limoza ndi akuwonere madera ndipuso ŵara pakovya abali ndi azichi wo akutuwaku kuzinyumba zawu. Ndipu pa nyengu iyi alutirizga kulondo ulongozgi wakukwaskana ndi COVID-19

Apharazgi wo akukwaskika ndi motu wenuwu ajiwone ŵija mo Yehova watiŵawovye kuziya mugulu laki. Mzichi munyaki yo nyumba yaki yingunangikiya limu wangukamba kuti abali ŵidu ŵenga “akukhumbisiskanga kupereka chechosi chakukhumbikiya chinanga mphanyengu yo taziŵanga cha kuti tikhumbika chinthu chinyaki.”

Chinanga kuti abali ndi azichi ŵidu muvigaŵa vo vakwaskika akumana ndi mayeseru, yiwu alutirizga kuwona kuti Yehova watiŵaphwere mwachanju kweniso mwalisungu.—Yakobe 5:11.