Valala va Jesu va mu singedzide khavo a di gu dzi fananisa ni Nungungulu. (Johane 5:18; 10:30-33) Ganiolu Jesu kha nga tshuka a ganeya khuye na ni gikhalo nyo fane ni egi gya Nungungulu nya tshivba yatshavbo. A di khuye: “Babe khongolo gu nyi vbindra.” — Johane 14:28.

 Valendreyi nyo pheye va Jesu kha va nga ba va mu wona na gu fana ni Nungungulu nya tshivba yatshavbo. Khu giyeyedzo, mupostoli Pawulo lovide gu khuye hwane nyo ba Jesu a wusidwe khu vafudego, Nungungulu a di ‘khusedza Jesu a mu ninga gikhalo nya wudhumo.’ Kha hi kanakani gu khethu Pawulo kha nga ba a wona Jesu nari Nungungulu nya tshivba yatshavbo. Nari khatshi a diri uye, si di hadzi kodzega kharini gu Nungungulu a mu khusedza ga gikhalo nya wudhumo? — Vafilipi 2:9.