Ina. Wona wusingalagadzi nyo khaguri nya wadi wu seketedwago omu nya Bhibhiliya wu phasago dzimiliyoni nya vama ni vanyamayi gu manega ni dzindranga nyo tsake:

1.   Lovedzisa mutshadho wago. Gu hunga womi watshavbo khu gu lovedzisa mutshadho wago khu nayo khayo maphelo nya ndranga nyo tsake. ​— Matewu 19:4-6.

2.   Haladzanani ni gu ningana githawo. Esi so pata gu phara mwama mwendro mwangadzi wago khu ndziya yamweyo u vbwetago gu khuwe va gu phara khiyo.​ — Matewu 7:12; Vaefeso 5:25, 33.

3.   U nga thumisi malito nyo paye. Ganeya khu ndziya nyo rule, ambari o tshuka mwama mwendro mwangadzi wago a gira gilo gi nga gu gorosa. (Vaefeso 4:31, 32) Kha nga yi ganeyago Bhibhiliya omu ga Mavingu 15:1: “Phindrulo nya gu dzi nogise, yi ngu vbodzisa likhulo, aholu magana nya gupaye, ma gu wusa likhulo.”

4.   Tumbega. Yeyedza sigiro nya lihaladzo ni gu hengeya malawu ni mwama mwendro mwangadzi wago basi. (Matewu 5:28) Bhibhiliya yari khiyo: “Lipango li na ningwe githawo khu vathu vatshavbo.”​ — Vahebheru 13:4.

5.   Hevbudza sanana sago khu ndziya nya lihaladzo. U nga vbevbugisi libogo, ganiolu u nga li lemedzisi gambe.​ — Mavingu 29:15; Vakolosi 3:21.