Ina Nungungulu a di thumisa evholusawu gasi gu vanga silo nyo hambanehambane si vbanyango?
Hlamulo nya BHibhiliya
No. Ahihi. Bhibhiliya yo ganeya gu khiyo Nungungulu khuye a nga vanga vathu, mafu ni “mafumbo” nya gu hambane-hambane nya sirengo ni misimbo. a (Genesi 1:12, 21, 25, 27; Gutuledwa 4:11) Nigu yo ganeya gambe gu khiyo vathu vatshavbo vo guta kheyi ga Adhamu ni Evha, vavelegi vathu nya gupheye. (Genesi 3:20; 4:1) Bhibhiliya kha yi ganeyi gu khiyo Nungungulu thumiside evholusawu gasi gu gira gwadi silo satshavbo si vbanyago, esi vathu va si ranago gu khavo evholusawu teísta mwendro gutumbunuga nya silo si tago khiyo ga Nungungulu. Bhibhiliya yi ngu dzumeleyana ni esi va siyentista va si ganeyago nya gu khavo, sirengo nya lifumbo limwedo si nga vbindrugedza. b
Ina Nungungulu thumiside evholusawu?
“Evholusawu teísta” mwendro gu tumbunuga nya silo si tago khiyo ga Nungungulu yi nga tshamusedwa khu dzindziya nya dzingi. Enciclopédia Britânica yo ganeya esi khu mahungo yaya: “Nungungulu thumiside tumbunugo mwendro seleção natural gasi gu gira silo.”
Ava va khodwago ga evholusawu teísta mwendro gu tumbunuga nya silo si tago khiyo ga Nungungulu, va nga khodwa gu khavo:
Satshavbo silo si vbanyago so dugeya avba nya gilo gimwegyo gi gu romo gu khugeya gale.
Gilo gi vbanyago gi nga dzi vbindrugedza gi khala gimbe gilo. Isoso so ranwa gu pwani microevolução.
Khu Nungungulu a thangeyago satshavbo isoso.
Ina evholusawu yi ngu dzumeleyana ni esi Bhibhiliya yi si hevbudzago?
Evholusawu teísta mwendro gu tumbunuga nya silo si tago khiyo ga Nungungulu, yo ganeya gu khiyo esi Bhibhiliya yi si hevbudzago ga libhuku la Genesa malipha. (Genesi 1:26, 27; 2:18-24; Matewu 19:4-6) Bhibhiliya yo ganeya gu khiyo Jesu na si guti mafuni, a di gu vbanya ndzadzini nigu phasedzede Nungungulu gu gira “silo satshavbo” si gu romo. (Johane 1:3) Esi vathu va ganeyago nya gu khavo, Nungungulu thumiside evholusawu gasi gu vanga silo satshavbo kha si pwanani ni Bhibhiliya.
Hi nga ganeya ginani khedzi misimbo yi vbanyago khidzo ga malanga nya gu hambane?
Bhibhiliya kha yi tshamuseyi gu khiyo sirengo ni misimbo si nga vbindrugedza kala hayi. Nigu yi ngu dzumeya gu khiyo sirengo ni misimbo si nga vbindrugedza, sivelegeyana ni gu vbanya ga wumbe wulanga. Ambari olu vambe va si ranago gu khavo evholusawu, guvbindrugedza gogu kha gu nge giri gu khugo gu dugeleya limbe lifumbo ga gilo gi vbanyago.
a Bhibhiliya ya gu thumisa lito “lifumbo” li gu na ni tshamuselo nya wukhongolo guvbindra owu vasiyentista va wu thumisago. Gu tala nya dzitepo, esi vasiyentista va si ranago gu khavo evholusawu nya limbe lifumbo, va gu thula guvbindrugedza basi nya lifumbo la limwedo kha nga esi Bhibhiliya yi si ganeyago ga libhuku la Genesa.
b Tshamuselo wowu dzimbe dzitepo wa gu thula “microevolução.”
You May Also Like
Sihevbudzo nya Bhibhiliya nya litshina —Dzivhidhyu
Ina mafu ni ndzadzi si di vangwa?
Matimu nya Bhibhiliya ma ganeyago khu gu vangwa nya silo dzitepo nya dzingi vathu kha va si pwisisi gwadi nigu va gu si wona kha nga malipha. Ina esi Bhibhiliya yi si ganeyago si ngu tumbega?
SIWUDZISO VA TALAGO GU GIRA
Ina mu ngu khodwa gu khenu mafu ma vangidwe khu 6 matshigu basi?
Ina u ngu dziti gu khuwe mawonelo yoyo ma ngu dwanisana ni esi Bhibhiliya yi ganeyago?
KHETHU VAMANI
Lomba gihevbulo nya Bhibhiliya
Bhulani khu giwudziso nyo khaguri nya Bhibhiliya, mwendro mu hevbula uti simbe khu Dzifakazi dza Jehovha.