Jehovha a ngu gu engiseya tepo u gombeyago. Bhibhiliya ya gu hi tiyisegisa gu khiyo: “Pfhumu Nungungulu womo vbafuvbi ni vatshavbo va mu ranago, ni ga vatshavbo va mu lumbago khu lisine. . . . Uye a ngu va yingisa va gu mu lomba giphaso.” — Ndzimo 145:18, 19.

Nungungulu a gu vbweta gu khuye u gombeya gwaye. Bhibhiliya ya gu hi kutsa gu gombeya. Yari, khiyo: “Tepo yatshavbo gombeyani ga Nungungulu mu mu lomba gu khenu a mi thangeya ga satshavbo mu girago, nigu mu bongeni tepo yatshavbo.” — Vafilipi 4:6.

Jehova khu lisine a ngu khathala ngudzu khuwe. Nungungulu a ngu siti gwadi esi si hi garadzago nigu a ngu dzina gu hi phasa. Bhibhiliya ya ri khiyo: “Rinyani iyo gwaye gugaradzega gwanu gwatshavbo kholu uye a ngu mi khathaleya.” — 1 Pedro 5:7.