KHENDZUGANI! N.° 2 nya 2020 | Khu ginani hi tshanisekago?
Gu hevbula lisine si na gu phasa gu mana guthaveledwa tepo u tshanganago ni dzimhango.
Esi vambe va si khodwago
Wona esi wukhongeli nyo hambanehambane wu si ganeyago maningano ni gutshaniseka.
1 Ina Nungungulu na ni nandru khu gutshaniseka gwathu?
Vathu nya vangi va pfungidwe mafu khovbeni khu sihevbudzo nyo khiso Nungungulu khuye a vangago gutshaniseka nya vathu. Khu levbini lisine?
2 Ina ethu hi na ni nandru khu gutshaniseka gwathu?
Abari gu hi na ni nandru khu gutshaniseka gwathu so thula gu khiso hi nga si kodza gu vbedza gutshaniseka.
3 Khu ginani vathu nya vadi va tshanisekago?
Bhibhiliya yi ngu hi phasa gu mana hlamulo nya giwudziso gegi.
4 Ina Nungungulu hi girede gu hi tshaniseka?
Ina Nungungulu oyu a vangidego silo satshavbo nyo mbure mafuni khuye a dzumeleyago gutshaniseka? Abari gu ne, si ghohekede hayi?
5 Ina gutshaniseka gu na vbeya?
Bhibhiliya yi ngu tshamuseya gwadi edzi Nungungulu a na vbedzago khidzo gutshaniseka.
Wo ba u vbweta giphaso, egi avba
Ambari sigaradzo sathu na siri sikhongolo gu vboha hayi, yomo ndziya nyo mane giphaso.
