Ha gu khodwa gu khethu gutshaniseka gu na vbeya, gukhodwa gogo gu nga hi phasa gu manega ni mawonelo nya yadi khu guvbanya ni Nungungulu.

Vathu nya vangi va ngu dzina gu vbedza gutshaniseka, ganiolu avo va mwalo makodzelo nyo vbedze gutshaniseka. Wona esi si landreyago:

Ambari olu vadhogodheya va yago va tugula mirendre nya yiphya . . .

• Madwali nya monyo ma ngo simama gu songa vathu nya vangi.

• Kankro yi ngu songa dzimiliyoni nya vathu mwaga ni mwaga.

• Omu nya jornali nyo khaguri * yi lovidwego khu Dr. David Bloom ya gu tshamuseya gu khiyo “ambari olu gu yago gu duga mirendre nya yiphya, vadhogodheya va ngo simama gu tandrega gu thuma madwali nya mangi. Gimbe gambe khu gu vathu va guya va beledwa khu madwali nya maphya, gupata ni mambe nya gu gale ma di gu kala gu mapwa.”

Ambari olu mambe mayigo ma gu na ni dzitsapawu nya dzingi ngudzu . . .

• Mwaga ni mwaga, dzimiliyoni nya sanana si ngufa, nigu vale va vbanyago mawusiwanani khavo ngudzungudzu va dugeledwago khu silo sesi.

• Dzibhiliyoni nya vathu va gu vbanya malangani nya mba agiswa gwadi.

• Mazana nya dzimiliyoni nya vathu va ngu hamuga ni mati nya yadi nyo seye.

Ambari olu vathu nya vangi muhuno va dzitigo edzi va yedego gu phara khidzo vambe vathu . . .

• Mubiko wa Nações Unidas wari khuwo ga mayigo nya mangi vathu va ngo simama gu moledwa va ya tshaniswa khu dzindziya nya guhambanehambane, nigu vathu vakone va girago isoso kha va modwi “kholu wufumu kha wu dziti ni gu dziti gu khuwo somo isoso, mwendro va mwalo gilo gi fakazago gu khigyo vathu vovo va ngu gira isoso.”

  GASI GU HEVBULA SIMBE

  Wona vhidhiyu yi gu khiyo Ginani Mufumo wa Nungungulu?, yi gu romo omu nya jw.org.

Nungungulu a ngu khathala khethu.

Uye a ngu gupwa guvbisa ogu hi gupwago ni gutshaniseka gwathu.

“[Nungungulu] kha nyenya gilo ambari gu venga gu vbisega nya gisiwana, ambari gu mu sihela khovbe yaye, aholu a mu ningide avbo a nga lombago giphaso.” — NDZIMO 22:24.

“Vegani avbo gwaye sigaradzo sanu satshavbo, kholu uye a ngu mi khathalela.” — 1 PEDRO 5:7.

Gutshaniseka kha gu na nga simama kala gupindruga.

Bhibhiliya yi ngu tumbisa gu khiyo makungo ya Nungungulu khu vathu ma na tadzisega.

“[Nungungulu] a na va bavbula marongo mahoni gwawe, kholu gima kha gu na manega gambe gufa, gulila gu na vbela, ni gudilela ni wuvi.” — GUTULEDWA 21:3, 4.

Nungungulu a na fuvisa esi si vangago gutshaniseka nya vathu.

Uye a na gira isoso khu gu thumisa Mufumo waye, owu Bhibhiliya yi wu tshamuseyago kha nga mufumo nya lisine.

“Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. Mufumo waye wu na tiya kala gupindruga.” — DHANIYELI 2:44.