4 Ina Nungungulu hi girede gu hi tshaniseka?
Khu ginani si gu sa lisima guti hlamulo nya giwudziso gegi?
Hlamulo nya giwudziso gegi wu ngu kuha edzi hi gu wonago khidzo guvbanya.
Nga dundrugeya khesi
Ina si ngu pwisisega gu Nungungulu oyu vangidego silo nyo mbure a dzumeleya gutshaniseka?
Vambe vathu va gu wona gutshaniseka kha nga gighelo nyo kanakaneye gu khavo Nungungulu womo. Avo va gu khodwa gu khavo gutshaniseka go yeyedza gu khugo: 1) Nungungulu mwalo tshivba nyo fuvise gutshaniseka, 2) Nungungulu kha dzini gu fuvisa gutshaniseka, 3) mwendro khavo Nungungulu mwalo.
Ina sighelo sesi khiso basi si girago gu vathu va tshaniseka?
GASI GU HEVBULA NYA SINGI
Wona vhidhiyu yi gu khiyo Hi nga tiyisega kharini gu khethu Bhibhiliya yo ganeya lisine?, yi gu romo omu nya jw.org.
Wona esi Bhibhiliya yi si ganeyago:
Nungungulu kha hi vanga gasi gu hi tshaniseka.
Uye a gu vbweta gu khuye hi tsaka guvbanyani.
“Gi mwalo gi gu gyadi guvbindra gu muthu a dzi tsakela ni gu vbweta makhalelo nya yadi guvbanyani gwaye. Muthu watshavbo a hodzago ni gu sela a gu hakha handro nya thumo waye, a na pime gukhuye giningwa gya Nungungulu.” — MUHEVBUDZI 3:12, 13.
Nungungulu ningide vathu nyo pheye satshavbo va nga ba va si vbweta gasi va vbanya nya mba tshaniseka.
Nungungulu kha nga ba a vbweta gu khuye avo ni sanana sawe va tshaniseka.
“Nungungulu a di va kategisa a va embela, khuye: ‘Velegelanani, mu andra, mu tadza mafu, mu ma fumela.’” — GENESI 1:28.
Vathu nyo pheye va di hatha gu mba engisa Nungungulu.
Kha nga handro wakone, va di dzi reseya gutshaniseka nya gukhongolo ni ga satshavbo sanana sawe.
“Gighoho gi bede mafuni khu muthu moyo basi, gambe gighoho gi yade gufa. Khidzo kharato gufa gu enedzidego vathu vatshavbo kholu vatshavbo va ghohide.” — VAROMA 5:12. *
Nungungulu kha ninga vathu makodzelo nyo dzi fumeye vabune.
Kha nga olu si gu mba kodzega gu vathu va vbanya vbavbatshi nya mati, kha si kodzegi gu vathu va dzi fumeya vabune.
“Gambe mwalo [muthu] a kodzago gu lulamedza ndzila yaye.” — JEREMIYA 10:23.
Nungungulu kha vbweti gu khuye ethu hi tshaniseka.
Uye a gu vbweta gu khuye hi potsa sigaradzo khavba hi si kodzago khavbo.
“Nari pwani u di yingiside milayo yangu! Gurula gwago gu di hadza gu goga kha nga tsongo.” — ISAYA 48:18.
^ ndri. 17 Omu nya Bhibhiliya, lito “gighoho” kha li thuli basi sigiro nyo vivbe, ganiolu lo thula gambe makhalelo nya vathu vatshavbo — hi ma bagidego ga vavelegi vathu nyo pheye.
