Si ngu pwisana wuvi gu wona vathu nya vadi na va tshaniseka. Vambe vari khavo gani u ngu gira silo nya sadi gani u ngu gira silo nyo vivbe lisine khu gu u na tshaniseka, khu kharato avo kha va woni lisima nyo gire silo nya sadi.

Vambe vathu va gu khodwa gu khavo muthu a gufa a gu bwe a velegwa nyaluphya. Vari khavo vale va ngafa na va giride silo nya sadi va gu ya vbanya womi nya wadi, gasi vale va ngafa na va giride silo nyo vivbe va gu ya tshaniseka. Khu kotani nya gihevbudzo gegi, vari khavo ambari muthu a gu gira silo nya sadi olu na giride silo nyo vivbe galeyoyo a na tshaniseka. Ganiolu . . .

• A gu tshanisekeya ginani gambe muthu yoyo kholu kha nga olu va gu pwani a gu velegwa nyaluphya kha ngo dundruga gambe gilo?

• Abari gu hi na tshaniseka khu kotani nya silo nyo vivbe hi giridego galeyoyo, khu ginani hi dzi garadzeyago gu manega ni womi nya wadi ni gu potsa dzimhango olu?

  GASI GU HEVBULA NYA SINGI

  Wona vhidhiyu yi gu khiyo Khu ginani Nungungulu a dzumedzeyago guvivba ni gutshaniseka?, yi gu romo omu nya jw.org.

Ha gu tshaniseka khandri ho tsayiswa khu Nungungulu.

Guhambana ni isoso, sigaradzo nya singi sa gu dugeleya khu gu ba muthu ari ga wulanga nya mba wadi khu ora nya mba yadi.

“Mapalisanatunu, khandri vale va gu na ni mazambo va pilago pfhuka, khandri va nya tshivba va palago nyimbitunu, khandri vale nya gugengele va manago guhodza, khandri va nya guti va manago thomba, khandri vale va hevbudego va zundzwago, satshavbo si na ni gikhati si dugelelago khigyo.” — MUHEVBUDZI 9:11.

Gimbe gi girago gu hi tshaniseka gighoho hi gi manidego ga vapapayi vathu nyo pheye.

Gutala nya dzitepo vathu va gu thumisa lito “gighoho” gasi gu thula silo nya guvivbe esi vambe va si girago. Ambari ulolo, Bhibhiliya yi ngu thumisa gambe lito gighoho gasi gu tshamuseya giemo gya vathu vatshavbo, ava nya vadi ni ava nyo vivbe, vatshavbo va thaphedwe khu gighoho.

“Kholu eni nyi velegedwe mugighohoni, mayi wangu khuride mimba yangu nyiri gighohi.” — NDZIMO 51:5.

Gighoho gi reside sigaradzo nya singi ga vathu.

Gighoho kha gya ghoha basi wupari wathu ni Muvangi wathu, ganiolu gi hi giride gambe gu hi hambana ngudzu ni esi Nungungulu a nga ba a si vbweta khu vathu. Isoso si reside sigaradzo nya singisingi ga vathu.

“Nya guvbweta gu gira nya sadi, nya gu gira guvivba.” — VAROMA 7:21.

“Sivangwa satshavbo sa gu dilela ni gusaniseka gukhwatshi khu nyamayi a lumwago.” — VAROMA 8:22.