Khala muthu nya liphuvbo
Kha nga hi si wonidego avba nya ndrima nyo pheye nya revhista yeyi, vathu nya vangi vari khavo Bhibhiliya libhuku nya guage. Va wonide gu khavo khu gu ba va leri ni gu thumisa wusingalagadzi wa omu nya Bhibhiliya, va dzi pwide na vari vbafuvbi ni Nungungulu nigu va tugude gu khavo vo vbanyeya ginani.
Bhibhiliya ya gu thumisa lito “liphuvbo” gasi gu thula mavbanyelo nyo khaguri. (Judha 18, 19) Gu hambana ni muthu a si vbwetigo gu thangedwa khu Nungungulu, a dzi tumbago abune, oyu a vbwetago gu thangedwa khu Nungungulu a gu ninga lisima milayo yaye. — Vaefeso 5:1.
GUTUMBA
LITSHINA NYA NAYO NYA BHIBHILIYA: “Wa gu dugedwa khu mhango u vbela tshivba, gu yeyedza gupwani khwa tiya.” — Mavingu 24:10.
SO THULA GINANI: Si ngu garadza gu emisana ni sigaradzo ha gu ba hi vbede tshivba. Ganiolu, gutumba gu nga hi ninga tshivba yi vbwetegago. Ha gu ba hiri ni gutumba, hi na tugula gu khethu sigaradzo hi tsaramisanago naso khya gitepwana; khu lisine, iso si nga velega mihandro nya yadi.
GINANI U YEDEGO GU GIRA: Zama gu dundrugeya khu silo nya sadi hi na si manago mindru wa tshigu. Vbavbandze nyo khaleye khu gu garadzega khu esi adzina si na dugeleyago mwendro gu vireya siemo nya sadi, gira gilogyo gasi gu tadzisa makungo yago. Khu lisine, gu ngu ba gu ‘dugeleya’ silo hi nga mba si vireya. (Muhevbudzi 9:11) Ganiolu, gutala nya dzitepo silo si ngu ba si gimbiya gwadi ngudzu gu vbindra esi hi nga ba hi si virede. Gasi gu fananisa, Bhibhiliya yari khiyo: “Yala mbewu yago gu ngari dzimindru, aholu vbasilambotunu u nga khali khu mawogo, kholu khu yiti iyo yi na bugago yi ninga mihandro; kheyi mwendro khu yile, mwendro dzatshavbo dzi na ni lisima.” — Muhevbudzi 11:6.
MIHLAMULO NYA SIWUDZISO NYA LISIMA NGUDZU GUVBANYANI
LITSHINA NYA NAYO NYA BHIBHILIYA: “Nyi ninge gu si pima, . . . Mahungu yago ma tiyide ma na ni lisine.” — Ndzimo 119:144, 160.
SO THULA GINANI: Bhibhiliya yi ngu hlamula siwudziso esi khu giolovedzo vatshavbo va dzi girago. Khu giyeyedzo, Bhibhiliya yi ngu hlamula siwudziso nga esi
-
Gasi ha guta khu hayi?
-
Ha gu vbanyeya ginani?
-
Ginani gi giregago ga muthu a gufa?
-
Ina ogu khugo guvbanya gakone basi?
Dzimiliyoni nya vathu mafuni gwatshavbo va phasidwe khu Bhibhiliya gu mana mihlamulo nya siwudziso sesi gumogo ni simbe, va bwe va mana womi nya wadi.
GINANI U YEDEGO GU GIRA: Si wone khu wabune esi Bhibhiliya yi hevbudzago. Lomba mweyo nya Dzifakazi dza Jehovha yi gu phasa gu pwisisa Bhibhiliya. Beya omu nya sayiti yathu, jw.org, mwendro gu manega omu nya mowo nya mitshangano yathu; iyo yi tuledwe vathu vatshavbo nigu kha gu livbwi gilo.
MAMBE MATSHINA NYA NAYO NYA BHIBHILIYA
Wona vhidhiyu yi gu khiyo Khu ginani u yedego gu hevbula Bhibhiliya? yi gomogo omu nya jw.org. Yomo khu gipimo nya 880 malimi ni guvbindra
KHATHALEYA ESI SI GU KENELEYAGO KHU LIPHUVBONI.
“Va ngu tsaka ava va khathalago khesi si va keneleyago khu liphuvboni, kholu Mufumo wa ndzadzini khwawe.” — MATEWU 5:3, NM.
HEVBULA SIMBE KHU NUNGUNGULU OMU NYA BHIBHILIYA.
“Vbweta Nungungulu . . . mu mane; kholu mwalo hwindzo ga moyo ni moyo nya ethu.” — MITHUMO 17:27.
LERI U BWE U DRUNDRUGEYA KHESI U LERIDEGO OMU NYA BHIBHILIYA.
“A gu vega gutsaka gwaye nayoni wa [“Jehovha, *” NM] Nungungulu, a wu alakanyeya wutshigu ni mihani. . . . Sigiro saye satshavbo sa gu duga gwadi.” — NDZIMO 1:2, 3.
^ ndri. 23 Jehovha, lina la Nungungulu khu guya khu Bhibhiliya.
You May Also Like
MUKHEDZISEYI
Bhibhiliya yi nga tshukwadzisa kharini womi wago?
Libhuku leli la gale li na ni wusingalagadzi nya wadi.
