Khu giyeyedzo, wona esi vathu nyo khaguri va ganeyago maningano khedzi va phasegidego khidzo khu gu leri ni gu thumisa wusingalagadzi nya Bhibhiliya guvbanyani gwawe.

“Womi wangu wu khadzisegide. Olu nyi na ni gudzipwa nya gwadi. Olu nyi ngu wona silo khu mawonelo nya yadi.” — Fiona.

“Nyi phasidwe khu Bhibhiliya gu mana makungo nya lisine nya guvbanye.” — Gnitko.

“Guvbanya gwangu gu vbindrugedzide ngudzu. Olu kha nyi ngo thuma tepo nyo laphe, nigu nyi ngu tshaledwa khu tepo nya yingi nyo khale ni ndranga yangu.” — Andrew.

Gu na ni matshango nya mangi nya nga aya. Vathu nya vangi mafuni va tugude gu khavo Bhibhiliya yi na ni wusingalagadzi nya wungi nya mavbanyelo.

Olu hongoleni hi wona edzi Bhibhiliya yi kodzago gu phasa khidzo vathu omu nya sipandre sesi . . .

• Womi nya wadi

• Gu woneleya mapimo mwendro gudzipwa gwago

• Mavbanyelo nya ndranga ni dzipari

• Mathumiselo nya dzitsapawu

• Gu khala muthu nya liphuvbo

Dzindrima dzi landreyago dzi na yeyedza gu khidzo Bhibhiliya libhuku la Nungungulu li nga gu phasago guvbanyani gwago.