“Mufumo wago wu nate” — Nombelo wu tidwago ngudzu khu vathu nya vangi
Ina u di nga gombeya gu khuwe Mufumo wa Nungungulu wu nate? Gu ngu vbindra lizana myaga dzimiliyoni nya vathu na va gombeya gu khavo “Mufumo wago wu nate.” Gasi khu ginani vathu va gombeyago kharato? Kholu Jesu embede va valandreyi vaye gu gombeya khu Mufumo wa Nungungulu.
Gupheyani, vapizane va Jesu kha va nga ba va si pwisisa satshavbo si nga ba si patega khu Mufumo wa Nungungulu. Avo va di wudzisa Jesu khavo: “Pfhumu, ina khavbo olu uno wusedzago mufumo tigoni ga Israyeli, gani?” Si nga gira na va samade ngudzu khu gu ba Jesu a sa va ninga hlamulo nyo kongome. (Mithumo 1:6, 7) Ina isoso so thula gu khiso kha va nga ba va dziti gu khavo Ginani Mufumo wa Nungungulu ni gu wu nata lini? Ne kha si thuli isoso!
Mukhedziseyi wowu wu na gu phasa gu mana mihlamulo nya siwudziso si landreyago:
Khu ginani hi wu vbwetago Mufumo wa Nungungulu?
Khu mani Pfhumu nya Mufumo wa Nungungulu?
Lini Mufumo wa Nungungulu wu na pheyago gu fuma mafuni?
Ginani egi Mufumo wa Nungungulu wu na girago?
Khu ginani hi yedego gu seketeya Mufumo wa Nungungulu olu?
Ginani Mufumo wa Nungungulu?
