Lisine maningano ni Mufumo wa Nungungulu
Jesu hevbudzide valandreyi vaye gu gombeya: “Baba wathu u guromo Ndzadzini, lina lago li na rungudzwe. Mufumo wago wu nate; Gudzina gwago gu na girege mafuni kha nga ndzadzini.” (Matewu 6:9, 10) Ginani Mufumo wa Nungungulu? Ginani Mufumo wowu wu na girago? Nigu khu ginani hi lombago gu khethu wuta omu mafuni?
Jesu Pfhumu nya Mufumo wa Nungungulu.
Luka 1:31-33: “[U na gi ninga] lina la Jesu. A na bani ari muthu khongolo, a na ranwa pwani Mwamana wa Nungungulu a guromo vbatshani ngudzu. Pfhumu Nungungulu a na mu pharisa ndronga nya wufumu wa babe waye Dhavhidhe. A na fuma ndranga ya Jakobe kala gupindruga; mufumo waye gima kha wu na nga vbela.”
Mufumo wa Nungungulu, gilo nya litshina nya gutshumayele ga Jesu.
Matewu 9:35 “Jesu a di gu gimbila gimbila ni madhoropa ni mitalala, na gu hevbudza dzinyumbani gwawe nya nombelo ni gutshumayela Ivhangeli nya mufumo, gumogo ni gu hawulugisa madwali yatshavbo ni dzingumbe dzinyumbani gwawe nya nombelo ni gutshumayela.”
Jesu ningide giyeyedzo vapizane vaye gasi gu va phasa gu tugula guti gu khavo Mufumo wa Nungungulu wu nata line.
Matewu 24:7: “Mayigo ma na wugelana; ni mifumo yakone yi na wugelana niyo; dzi na manega dzindzala, mitungu ni sirevareva malangani nya gutale.”
Muhuno, vapizane va Jesu va gu tshumayela maningano ni Mufumo wa Nungungulu mafuni gwatshavbo.
Matewu 24:14: “Mahungu nya Yadi yaya nya Mufumo wa Nungungulu ma na huweledwa tigoni gwatshavbo gasi gu ninga wufakazi mayigoni gwatshavbo. Khu hwane nya ugo khavbo gu no tago guhegisa.”
