Womi wa gu wonega na wu lemeya ngudzu
Khu giyeyedzo, Sally * wa Estados Unidos, a luzidego silo saye satshavbo khu kotani nya gingulu, wari khuye: “Nyi di garadzega ngudzu nyo bwe nyi si giti ni gilo nyo gire. Matshigu nya mangi nyi di gu dzipwa na nyi vbeledwe khu lipindru.”
Ahati ha gu fedwa khu muthu nyo khaguri hi mu golago ke? Janice, wa Australia, wari khuye: “Tepo nyi nga fedwa khu sanana sangu nya sivili, nyi di dzipwa nga khatshi womi wangu wu di tshungunugide wu tshala khu sipandre. Nyi di gombeya ga Nungungulu, kheni: ‘Kha nyi ngo vbwetari gambe! Nyi dige nyifa basi. Kha nyi ngo dzina gu vbanya.’”
Daniel a di pilega hwambo tepo a nga tugula gu khuye mwangadzi waye giride wubhayi. A gu tshamuseya esi: “Tepo mwangadzi wangu a nga nyi embeya gu khuye giride wubhayi, si di gira nga khatshi ngala wu hekhago monyo wangu. Mithumo ya mwangadzi wangu, yi nyi vbisiside monyo gambe ni gambe.”
Revhista yeyi nya Mukhedziseyi yi na hi yeyedza sighelo nya gu hi simama gu vbanya ambari
Gupheya, hongoleni hi wonani esi si nga hi phasago ha gu thegedwa khu mhango nya tumbunugo
^ ndri. 3 Malina nyo khaguri avba nya ndrima yeyi ma vbindrugedzidwe.