Khandri tepo yatshavbo si vbevbugago gu dundruga esi hi hevbudego. Ganiolu, si ngu vbevbuga gu dundruga esi Jesu a hi hevbudzidego kholu dzitepo nya dzingi a di gu thumisa sipimaniso. Iso si nga khala mapimoni gwago nigu isoso si nga gu phasa gu dundruga esi Jesu a hevbudzidego. Khu ndziya nyo fane, u nga dundruga esi u hevbudego khu gu dundrugeya esi u lerigo. U nga gira kharini isoso? Khu gu dhezenyari dzifotu tepo u hevbulago.

Vathu va dhezenyarigo dzifotu tepo va hevbulago gilo nya giphya, dzitepo nya dzingi va ngu dundruga gwadi esi va hevbudego. Gu dhezenyari kha si va phasi basi gu pwisisa gwadi malito nyo khaguri, ganiolu si ngu va phasa gambe guti dzipontu nya litshina nya esi va hevbulago. Dzifotu va dhezenyarigo kha dza mbura, ganiolu dzi vbevbugide nigu dzidhezenyu basi gasi gu dundruga esi va hevbulago. Nigu gu dhezenyari si nga phasa ngudzu ava va dandridego khu tanga gasi va dundruga esi va hevbudego.

Ga gihevbulo gyago gi landreyago, zama gu dhezenyari esi u hevbudego. Uwe u na hlamadziswa khedzi u na si dundrugago khidzo!