Khu lisine, gu manega wutshigu watshavo vonga nya mba na gighelo nyo pwale giyeyedzo nyo tiye nya gu khigyo va giride wubhayi. Khu kharato, vbavbandze nya gu ba gi romo gighelo nyo pwale, gu na wumbwe kometi nya gulamule. — 1 Vakorinto 6:18.

Huwo nya madhota gu vbwetega yi khedzisisa gwadi giemo ni giemo gasi gu hunga gu khiyo gu ngu vbwetega gu yi wumbwa kometi nya gulamule mwendro ne. Khu giyeyedzo: Ina patwa wowo wa gu haladzana? Va di nga kawukwa khu madhota maningano ni edzi va pharanago khidzo? Khu ginani va nga manega vatshavbo wutshigu watshavbo? Va di pheya khu gu bhula gasi gu gira isoso? Va di hamuga yimbe ndziya, mwendro gilo gi nga dugeleya nya gu va hamuga gu khavo va na si gira kharini, nya nga gilo va nga ba va sa gi vireya mwendro gilo nyo dugeleye khavba ni avba gi nga gira gu va hamuga lipindru si lomba gu khiso va manega vatshavbo wutshigu watshavbo? (Muhevbudzi 9:11) Va lade hayi? Giemo ni giemo gi hambanide ni gimbe, khu kharato si nga gira na guri ni mambe mahungu ma na girago gu madhota ma hunga esi ma na hungago.

Hwane nya gu ba huwo nya madhota na yi holelede gwadi satshavbo si pategidego, yi na hunga gu khiyo yi nga wumbwa kometi nya gulamule mwendro ne.