“Gomo guwuga ga vale va fudego.” — Mithumo 24:15.

Gu na gu thaveleya wa gu fedwa khava u va golago. — 2 Vakorinto 1:3, 4.

Gu na gu tshula gasi u si thavi gufa. — Vahebheru 2:15.

U na ma na gutumba nya lisine nya gu vbanye gambe nava va fudego u va golago. — Johane 5:28, 29.

Ina, khu sighelo siraru:

• Nungungulu khuye Muvangi nya womi. Omu nya Bhibhiliya Jehovha Nungungulu a gu ranwa pwani khuye “gibuga nya womi.” (Ndzimo 36:9; Mithumo 17:24, 25) Olu a gu Uye a nga ninga womi sivangwa satshavbo si vbanyago, khu lisine na ni tshivba nya gu bweledzeye womi ga ava va fudego.

• Gale yoyo Nungungulu wuside vathu khu gufani. Bhibhiliya ya gu ganeya khu livbandre na mararu makhati aya vathu — sanana, vathu vakhongolo, vama ni vanyamayi — va nga wuswa khu gufani va vbanya gambe mafuni. Vambe va di ngari gufa, ganiolu moyo wawe gu di gu vbindra matshigu mana na dzingidwe! — Johane 11:39-44.

• Nungungulu a ngu dogoreya ngudzu gu wusa gambe ava va fudego. Jehovha a ngu venga gufa; a gu gu wona kha nga nala. (1 Vakorinto 15:26) Uye a ngu dogoreya ngudzu gu pala nala yoyo, a mu fuvisa khu gu wusa vathu va fudego. A ngu suva gu wusa ava va gomogo mapimoni gwaye gasi a va wona na va gu vbanya gambe mafuni. — Joba 14:14, 15.