Dzitsapawu
Khu ginani gu gola dzitsapawu si gu mhango?
Wona “Dzithomba”
Bhibhiliya yo yeyedza kharini gu khiyo gu mana dzitsapawu gasi gu sayisa ndranga kha sa vivba?
Muh 7:12; 10:19; Ef 4:28; 2Te 3:10; 1Tm 5:8, 18
Siyeyedzo nya Bhibhiliya si na gu phasago:
Ge 31:38-42 — Jakobe simamide gu thuma gasi gu sayisa ndranga yaye ambari olu nasali waye Laboni a nga vbidrugedza muholo waye khu dzitepo nya dzingi. Jehovha a mu kategiside khu gu dzigaradza gwaye
Lu 19:12, 13, 15-23 — Giyeyedzo gya Jesu gya gu yeyedza gu khigyo ga tepo yile vathu va di gu oloveya gu velegisa dzitsapawu dzawe
Ginani egi Bhibhiliya yi ganeyago khu gu fiyarisa ni gu fiyari dzitsapawu?
Ndz 37:21; Mav 22:7
Khu ginani si gu sadi gu potsa gu gira mangava nya mba na gighelo?
Siyeyedzo nya Bhibhiliya si na gu phasago:
Ne 5:2-8 — Dziteponi dza Ghovhernadhori Nehemiya, Vaisrayeli nyo khaguri va di gu lemedzisa giemo ga vale va nga ba va va dhevha dzitsapawu
Mt 18:23-25 — Giyeyedzo gya Jesu gya gu hi dundrugisa gu khigyo ava va gu mba livba mangava yawe va na tsayiswa
Ginani hi yedego gu gira na hi si hungi gu thumisana ni muthu a gu siri mukristo, ndriyathu nya mukristo mwendro nongo wathu?
Siyeyedzo nya Bhibhiliya si na gu phasago:
Ge 23:14-20 — Gasi Abrahama a potsa mayunga, a di renga lithembwe ni phago gasi gu dzingwa Sara na gu wonwa khu vathu vatshavbo
Jer 32:9-12 — Tepo muprofeti Jeremiya a nga renga gipeto gya primu waye a di lova lidangaliya a bwe a gira kopiya ni gu livba na gu wonwa khu vathu nya vangi
Khu ginani hi yedego gu thumisa gwadi dzitsapawu dzathu?
Mav 21:5; Lu 14:28-30
Khu ginani Makristo ma si yeligo gu diga gigaradzo nya dzitsapawu gi kabanisa libandla?
Dzitsapawu dzi nga hi reseya gu tsaka nya lisine khu dziya muni?
Mav 11:25; 19:17; Lu 16:9-13; Mth 20:35
You May Also Like
KHETHU VAMANI
Lomba gihevbulo nya Bhibhiliya
Bhulani khu giwudziso nyo khaguri nya Bhibhiliya, mwendro mu hevbula uti simbe khu Dzifakazi dza Jehovha.
