Siyeyedzo nya Bhibhiliya si na gu phasago:

• Ndz 78:40, 41; 106:36-46 — Vaisrayeli va khunguvanyiside Jehovha khu dzitepo nya dzingi, ganiolu Uye dzitepo dzatshavbo a di dzi emisede gu va divaleya

• Lu 15:11-32 — Jesu ningide giyeyedzo nya divalelo wa Jehovha tepo a nga tshamuseya edzi papayi nya wuhindzi a pharidego khidzo gyanana gyaye tepo gi nga dzilaya khu silo nyo vivbe gi giredego

Siyeyedzo nya Bhibhiliya si na gu phasago:

• Heb 9:22-28 — Mupostoli Pawulo tshamusede gu khuye khu kotani nya dzegiso wa Jesu, Jehovha a ngu divaleya sighoho sathu

• Gut 7:9, 10, 14, 15 — Mupostoli Johane tshamusede gu khuye Nungungulu a divalede sighoho nya “vathu nya vangi ngudzu,” kholu va gu na ni gukhodwa avba nya dzegiso wa Jesu

Siyeyedzo nya Bhibhiliya si na gu phasago:

• Job 42:7-10 — Joba na si hawuligiswi ni gu kategiswa, Jehovha a di gu vbweta gu khuye Joba a gombeleya dzipari dzaye dza dziraru nya mba tumbega

• Mt 18:21-35 — Jesu thumiside gipimaniso gyegi gasi gu yeyedza gu khuye ha gu vbweta gu divaledwa hi yede gu divaleya vambe

Siyeyedzo nya Bhibhiliya si na gu phasago:

• Ndz 32:1-5; 51:1, 2, 16, 17 — Pfhumu Dhavhidhe garadzegide ngudzu khu kotani nya sighoho saye, ganiolu a dzi layide khu monyo waye watshavbo

• Jak 5:14-16 — Jakobe tshamusede gu khuye, ha gu gira gighoho nya gikhongolo hi yede gu bhuleya madhota

Siyeyedzo nya Bhibhiliya si na gu phasago:

• 1Dzf 21:27-29; 2Dzik 18:18-22, 33, 34; 19:1, 2 — Tepo pfhumu Akabi a nga dziti gu khuye a na tsayiswa, a di dzi nogisa nigu Jehovha thindrekiside gulamudwa gwaye. Khu kharato, kha nga olu Akabhi a nga mba dzi laya khu lisine, Jehovha kha mu divaleya nigu a mu songide

• 2Dzik 33:1-16 — Ambari olu Manasi a nga ba ari pfhumu nya gu vivbe, Jehovha a mu divalede tepo a nga dzi laya. Nigu Manasi yeyedzide gu khuye a di gu vbindrugedzide tepo a nga zama gu fuvisa wukhozeyi nya sifananiso ni gu wusedza wukhozeyi nya guage

 Siyeyedzo nya Bhibhiliya si na gu phasago:

• 2Sa 12:13; 24:1; 1Dzf 9:4, 5 — Ambari olu Dhavhidhe a nga gira sighoho nya sikhongolo, uye a dzi layide. Khu kharato, Jehovha a mu divalede nigu khu gu gimbiya nya tepo Uye ganede gu khuye Dhavhidhe a diri mwama nyo lulame

Siyeyedzo nya Bhibhiliya si na gu phasago:

• Mt 26:36, 40, 41 — Tepo Jesu a nga ba a vbweta ngudzu giphaso, valandreyi vaye va di lala, ambari ulolo Jesu va yeyedzide wuwadi nigu pwisiside gu khuye va di garade

• Mt 26:69-75; Lu 24:33, 34; Mth 2:37-41 — Pedro bombide Jesu guraru, ganiolu tepo a nga dzi laya Jesu a di mu divaleya. Nigu hwane nya gu ba Jesu a wusidwe khu gufani a di wonega ga Pedro nigu khu gu landreya, a mu ningide mathomo nya gu hathege libandlani

Siyeyedzo nya Bhibhiliya si na gu phasago:

• Mt 23:29-33 — Jesu gengedzide valovi ni vafarisi gu khuye, kha va na nga vbuluga gu rinywa Gehena mwendro gufuviswa kala gupindruga

• Joh 17:12; Mr 14:21 — Jesu ranide Judha Sikariyoti kha nga “wule a na fuviswago” ni gu ganede gu khuye gu diri tshukwana nari khatshi kha velegwa muthu yoyo