Siyeyedzo nya Bhibhiliya si na gu phasago:

• Ru 1:11-13, 20 — Hwane nya gu ba Nowemi a luzide mwama waye ni sanana saye, a di garadzega ngudzu nigu pimiside gu khuye Jehovha mu digide

• Job 3:1, 11, 25, 26; 10:1 — Joba garadzegide tepo a nga luza dzithomba dzaye, sanana saye nya 10 ni womi waye nya wadi

 Milowo yi nga gu thaveleyago:

• Ro 12:19; Jak 1:13

Siyeyedzo nya Bhibhiliya si na gu thaveleyago:

• Ru 1:6, 7, 16-18; 2:2, 19, 20; 3:1; 4:14-16 — Nowemi tsakide gambe tepo a nga bweleya tigoni gwaye, a ningidwe giphaso ni gu a phasa vambe

• Job 42:7-16; Jak 5:11 — Joba simamide ni gukhodwa nyo tiye nigu Jehovha mu kategiside ngudzu

Siyeyedzo nya Bhibhiliya si na gu phasago:

• 1Sa 1:6, 7, 10, 13-16 — Ana vbisegide ngudzu kholu Penina a mu pharidego khu ndziya nya mba yadi ni olu Muprista nya khongolo Eli a nga pimisa gu khuye a di gu levide

• Job 8:3-6; 16:1-5; 19:2, 3 — Joba lamudwe khu 3 dzipari dzaye, isoso si mu giride a dzipwa na si phasi gilo

Milowo yi nga gu thaveleyago:

• Ndz 37:8, 9; Ef 4:26

Siyeyedzo nya Bhibhiliya si na gu thaveleyago:

• 1Sa 1:9-11, 18 — Ana dzipwide gwadi hwane nya gu ba a gombede ga Jehovha

• Job 42:7, 8, 10, 17 — Hwane nya gu ba Joba a divalede dzipari dzaye Jehovha mu kategiside

Siyeyedzo nya Bhibhiliya si na gu phasago:

• 2Dzf 22:8-13; 23:1-3 — Tepo pfhumu Josiya ni gitshungu va ngapwa nayo wa Mosi na wu gu lerwi, avo va pwisiside gu khavo va di gu giride silo nyo vivbe ngudzu

• Ezr 9:10-15; 10:1-4 — Ezra ni gitshungu va garadzegide kholu vambe va nga mba engisa Jehovha va bwe va tshadha ni vanyamayi nya mambe mayigo

• Lu 22:54-62 — Mupostoli Pedro dzipwide nandru hwane nya gu ba a bombide Jesu guraru

Milowo yi nga gu thaveleyago:

• Ndz 32:5; 103:9-14; Isa 1:18; Mth 3:19

• Wona gambe Isa 38:17; Mik 7:18, 19

Siyeyedzo nya Bhibhiliya si na gu thaveleyago:

• 2Dzik 33:9-13, 15, 16 — Ambari olu Manasi a nga ba ari mweyo nya dzipfhumu nyo vivbe ga dzatshavbo dza Judha, uye dzi layide a bwe a hakha wuhindzi wa Jehovha

• Lu 15:11-32 — Jesu thumiside gipimaniso nya gyanana gi dzimedego gasi gu yeyedza gu khuye Jehovha a dzi emisede gu hi divaleya khu gu vbeleya

Siyeyedzo nya Bhibhiliya si na gu phasago:

• 2Dzf 20:1-3 — Pfhumu Ezekhiya garadzegide tepo a nga dwala ni tepo a nga ba a vbweta gufa

• Flp 2:25-30 — Epafrodhito garadzegide ngudzu tepo vandriyaye va ngapwa gu pwani uye a di gu dwala nigu uye kha nga ba a vbweta gu khuye va pimisa gu khavo a di hosiside avba nya thumo waye

Milowo yi na gu thaveleyago:

• Ndz 92:12-14; Isa 40:29-31; 46:4; 2Ko 8:12

Siyeyedzo nya Bhibhiliya si na gu thaveleyago:

• 2Sa 17:27-29; 19:31-38 — Pfhumu yi ningide githavo Bharizilayi yi bwe yi mu konvidhari gu hongola Jerusalema, ganiolu uye kha dzumeya konvite yoyo kholu a nga ba a dandride khu tanga

• Ndz 41:1-3, 12 — Tepo pfhumu Dhavhidhe a nga dwala ngudzu, uye a di gu tiyisega gu khuye Jehovha a na mu phasa

• Mr 12:41-44 — Jesu zundzide noni nya gisiwana khu ningelo wagyo, kholu yi di ningede satshavbo yi nga ba yi ri naso