Monyo
Bhibhiliya yo yeyedza kharini gu khiyo monyo wo emeya edzi muthu a gu idzo khu ndrane, esi a si pimisago, gudogoreya, makhelelo ni gudzipwa gwaye?
Ndz 49:3; Mav 16:9; Lu 5:22; Mth 2:26
Wona gambe Dhet 15:7; Ndz 19:8
-
Siyeyedzo nya Bhibhiliya si na gu phasago:
-
Lu 9:46-48 — Tepo Jesu a nga tugula gu khuye monyo wa Vapostoli vaye wu di du wegeleya avba nya gu dzi khusedze, a di va kawuka
-
Khu ginani si gu na ni lisima gu vhikeya monyo wathu?
1Dzik 28:9; Mav 4:23; Jer 17:9
-
Siyeyedzo nya Bhibhiliya si na gu phasago:
-
Ge 6:5-7 — Khu kotani nya olu mafuni gu nga ba gu tade khu wughevenga ni vathu va nga ba va vivbedwe khu monyo, Nungungulu a di resa drambi
-
1Dzf 11:1-10 — Pfhumu Solomoni tshadhide ni vanyamayi nya vangi va mambe mayigo va nga ba va si khozeyi Jehovha khu kotani nya olu a nga mba vhikeya monyo waye
-
Mr 7:18-23 — Jesu tshamusede gu khuye monyo gifefe nya silo satshavbo si nga girago muthu a si hakhegi mahoni ga Jehovha
-
Hi nga vhikeya kharini monyo wathu?
Ndz 19:14; Mav 3:3-6; Lu 21:34; Flp 4:8
Wona gambe Ezr 7:8-10; Ndz 119:11
-
Siyeyedzo nya Bhibhiliya si na gu phasago:
-
Ef 6:14-18; 1Te 5:8 — Pawulo tshamusede gu khuye matshari nya liphuvbo nya nga gu lulama, gu khodwa ni lihaladzo ma nga vhikeya monyo nyo fananise gu fana ni givhekelo gi vhikeyago monyo wathu
-
Hi nga dziti kharini gu khethu monyo wathu wu ngu dzi hambanisa ni Jehovha?
Mav 21:2-4; Heb 3:12
Wona gambe Mav 6:12-14
-
Siyeyedzo nya Bhibhiliya si na gu phasago:
-
2Dzik 25:1, 2, 17-27 — Khu tepo nyo khaguri, Pfumu Amaziya a di gu gira silo nya sadi mahoni ga Jehovha, ganiolu na siri khu monyo watshavbo. Khu gu gimbiya nya tepo a di dzi khusedza ni gu mba tumbega, isoso si mu resede mihandru nya mba yadi
-
Mt 7:17-20 — Jesu tshamusede gu khuye gu fana ni simbo nya mba wadi wu velegago mihandro nya mba yadi, monyo nya gu vivbe wa gu velega mavbanyelo nya mba yadi
-
Khu ginani hi yedego gu haguleya monyo nya wadi nigu hi nga si gira kharini isoso?
Mav 10:8; 15:28; Lu 6:45
Wona gambe Ndz 119:97, 104; Ro 12:9-16; 1Tm 1:5
-
Siyeyedzo nya Bhibhiliya si na gu phasago:
-
2Dzf 20:1-6 — Pfhumu Ezekhiya thumede Jehovha khu monyo waye watshavbo. Khu kharato, tepo a nga ba a vbweta gufa a di gombeya ga Jehovha a lomba gu khuye a mu yeyedza wuhindzi
-
Mt 21:28-32 — Jesu thumiside gipimaniso gegi gasi gu yeyedza gu khuye makhalelo nya lisine nya monyo ma gu yeyedzwa khesi muthu a girago na siri esi a ganeyago gu khuye a na gira
-
Sa gu hi thaveleya kharini guti gu khethu Jehovha a ngu wona esi hi gu naso monyoni?
1Dzik 28:9; Jer 17:10
Wona gambe 1Sa 2:3
-
Siyeyedzo nya Bhibhiliya si na gu phasago:
-
1Sa 16:1-13 — Muprofeti Samuweli hevbude gu khuye Jehovha kha ningi ngudzu lisima makhalelo nya muthu, ganiolu a gu ninga ngudzu lisima monyo waye
-
2Dzik 6:28-31 — Nombelo owu pfhumu Solomoni a wu giridego tepo a nga hendzeledza tempele wu yeyedzide gu khuwo Jehovha a ngu khatala ngudzu khethu, kholu a ngu wuti gwadi monyo wathu
-
You May Also Like
KHETHU VAMANI
Lomba gihevbulo nya Bhibhiliya
Bhulani khu giwudziso nyo khaguri nya Bhibhiliya, mwendro mu hevbula uti simbe khu Dzifakazi dza Jehovha.
