Matimo nya Bhibhiliya ma gu pheya khu gu tshamuseya edzi si nga vangwa khidzo silo hi kodzago gu si wona, iyo yo hi tula maho gasi gu hi wona silo nyo mbure si giridwego khu Jehovha mafuni ni ndzadzini. Abari gu u muvelegi, phasa gyanana gyago gu wona sivangwa nyo hambanehambane nyo samadzise. Gi tshamuseye edzi Nungungulu a giridego khidzo vathu gasi va hambana ngudzu ni sirengo, khu gu hi ninga makodzelo nyo ganeye, nyo dundrugeye, nyo dzi gireye silo, nyo embeleye ni gu gombeya. Bonga tshivba ya Jehovha ni guti gwaye, ngudzungudzu lihaladzo laye khu satshavbo a si giridego — gupata ni ethu hatshavbo.