Jesu dzude mafuni gasi gu ta ningeya womi waye gasi gu vbulugisa vathu nya mba vbeleya. Ambari olu a ngafa, pade litigo kholu fude na tumbegide ga Jehovha. Anuye Jehovha a di tumbega ga Gyanana gyaye, khavbovbo a gi wusa khu ga vafudego. Womini waye watshavbo, Jesu a dzi nogiside a thumeya vambe a bwe a va divaleya va gu mu ghoheya. Hwane nya gu ba a wusidwe khu ga vafudego, a di wonega ga vapizane vaye. A di va hevbudza gu gira thumo nya lisima ngudzu owu a nga ba a va ningide. Wo ba uri muvelegi, phasa gyanana gyago gu pwisisa gu khigyo anethu muhuno, hi ningidwe thumo wowo gasi gu gira.