Malito nyo tule nya gipandre 8
Jehovha kategiside Solomoni khu gu mu ninga wugengeyi nya wukhongolo ngudzu ni lithomo nya gu vbahe tempele. Ambari ulolo, a di vbedza a pfhurareya Jehovha khu vbadugwana-vbadugwana. Wo ba uri muvelegi, phasa sanana sago gu pwisisa esi vakhozeyi nya sifananiso va giridego gasi gu kutsedzeya Solomoni gu pfhurareya Jehovha. Mufumo wu di kabaniswa khavbovbo, dzipfhumu nyo vivbe dzi pengisa vathu va diga gu engisa Jehovha va pheya gu khozeya sifananiso. Khu tepo yoyo, vaprofeti nyo tumbege va Jehovha va di tshaniswa va bwe va songwa. Vathu va nga ba va romo wuronga va di gu giredzeya silo nyo vivbe ngudzu khu kotani nya gu kutsedzedwe khu Jezabheli, ngadza pfhumu. Iyoyo yi diri tepo nyo vivbe ngudzu ga Vaisrayeli. Ambari ulolo, gu diri ni Vaisrayeli nya vangi ngudzu va nga ba va engisa Jehovha. Vambe vakona, gu diri pfhumu Josafati ni muprofeti Eliya.
AVBA NYA GIPANDRE GEGI
GIHEVBULO 44
Tempele ya Jehovha
Nungungulu hakhide gilombo gya Pfhumu Solomoni a bwe a mu ninga mathomo.
GIHEVBULO 46
Jehovha a yeyedza gu khuye Nungungulu nya lisine
Khu mani Nungungulu nya lisine? Khu Jehovha mwendro khu Bhahali?
GIHEVBULO 48
Gyanana nya noni gi wusidwego khu ga vafudego
Silewugiso sivili si giregidego ga ndranga mweyo
GIHEVBULO 49
Ngadza pfhumu a tsayiswa
Jezabheli a hunga makungu nya gu songe Nabhoti nya mu Israyeli gasi gu mu dzegeya lithebwe laye! Wuvivbi ni gu mba lulama gwaye si tugudwe khu Jehovha.
GIHEVBULO 50
Jehovha a dwaneya Josafati
Pfhumu nya yadi Josafati a gombeya ga Jehovha tepo Juda a nga wugedwa khu valala vaye.