Omu nya gipandre gegi hi na ganeya khu vaphya, vaprofeti ni dzipfhumu, ava va yeyedzidego khu dzindziya nyo hlamadzise gu khavo va di gu khodwa ga Jehovha. Tigoni ga Siriya, gyadzyana nya Muisrayeli gi di khodwa gu khigyo muprofeti nyo khaguri wa Jehovha a di hadzi vbanyisa Nahamani. Muprofeti Elizewu a di khodwa khu guvbeleya gu khuye Jehovha a di hadzi gu mu vhikeya ga valala. Mupristi nya Khongolo Joyadha, a di vega womi waye mhangoni gasi gu vhikeya gikhwathana nyo pwani khu Jowasi gi si songwi khu vhovho wagyo Ataliya. Pfhumu Hezekhiya a di tumba gu khuye Jehovha a di hadzi tshudzisa Jerusalema, nigu kha thava tepo Vaasriya va nga ba va mu thurugiseya. Pfhumu Josiya a di fuvisa wukhozeyi nya sifananiso tigoni, a wusedza tempele a bwe a phasa vathu gu wuya avbo nya wukhozeyi nya lisine.