GIPANDRE 14
U nga yeyedza kharini gutumbega gwago ga Jehovha?
Ema u tiya guseketeyani gwago Nungungulu. 1 Pedro 5:6-9
U nga landriseyi siolovedzo si si pwananigo ni Bhibhiliya. Gasi gu vbanya khu milayo ya Nungungulu gu vbwetega gutiya hambo.
U nga dzi bedzi omu nya politika nya mifumo kholu iyo kha yi seketeyi Jehovha ni Mufumo waye.
Hatha gwadi mavbanyelo — engisa Nungungulu. Matewu 7:24, 25
Oloveya gu manega mitshanganoni ya Dzifakazi dza Jehovha; idzo dzi na gu phasa gu muti gwadi Nungungulu.
Simama gu hevbhula khu Nungungulu u bwe u dzi garadzeya gu landriseya sileletelo saye.
Gukhodwa gwago ga gu tiya, gu vbwetega gu u hendzeledza womi wago ga Jehovha u bwe u bhapatiswa.— Matewu 28:19.
Engisa Nungungulu. Hevbula Bhibhiliya u bwe u lomba Dzifakazi dza Jehovha gasi dzi gu phasa gu yi pwisisa. Khavbovbo, landreya esi u hevbulago. Wo gira isoso, u na vbanya kala gupindruga.— Ndzimo 37:29.
You May Also Like
KHETHU VAMANI
Lomba gihevbulo nya Bhibhiliya
Bhulani khu giwudziso nyo khaguri nya Bhibhiliya, mwendro mu hevbula uti simbe khu Dzifakazi dza Jehovha.
KHETHU VAMANI
Wona tshangano
Guti edzi yi girwago khidzo mitshangano yathu. Vbwetedzeya wulanga hi tshanganago avbo vbafuvbi ni omu u khalago umo.
