Dzi dongiseye gwadi. Hevbula mahungu u vbwetago guya hevbudza kala u pwisisa mongo nya ganelo yago ni edzi Bhibhiliya yi wu seketeyago khidzo. Zama gu tshamuseya matshina nya gisekelo nya ganelo yago khu malito nyo vbevbuge. Vega gupima avba nya edzi ma na phasago khidzo vaengiseyi vago. Gombeya u lomba liphuvbo nya guage.

Thumisa malito ma yeyedzago gutiya. Vbavbandze nyo thumise malito ma lovidwego avba nya lidangaliya nya ganelo, thumisa malito yago. Thumisa malito ma yeyedzago gu khayo u ngu si khodwa esi u ganeyago.

Ganeya khu gutiya u bwe u yeyedza gu khuwe kha wu hagani. Ganeya khu lito nyo pwale gwadi. Sa gu ba si si loleyi gipandreni gwanu, khedza vaengiseyi tepo u ganeyago.