Hatha malito ma seketeyago mahungu u ganeyago khayo. Hwane nyo leri lowo, tshingisa malito ma yelanago gwadi ni mahungu yago. U nga gira isoso khu gu wuyedzeya malito mwendro gu gira giwudziso gi na phasago vaengiseyi gu tugula malito nya litshina.

Tshingisa malito u vbwetago gu khuwe va ma dundruga. Wo ba u ganede gighelo gi gu girago u leri lowo nyo khaguri, tshamuseya edzi malito nya litshina nya lowo wowo ma seketeyago khidzo gighelo gyogyo.

Ganeya esi si vbwetegago basi. U nga tshamuseyi silo si gu mba yelana ni mahungu u ganeyago khayo. Nu gu dzi seketeya avba nya esi va si tigo khu mahungu yoyo, gu vbwetega uti pimo nya esi si vbwetegago gu tshamusedwa gasi gu vaengiseyi vago va ma pwisisa mahungu yago.