GIHEVBULO 1
Bhibhiliya yi nga gu phasa kharini?
Hatshavbo hi ngu dzi wudzisa gu khethu ho vbanyeya ginani, khu ginani hi tshanisekago, khu ginani hi fago nigu ginani egi wumindru wu hi vegeyago. Hi ngu garadzega gambe khu silo nya litshigu ni litshigu, nya nga gu khethu nyi na yi sayisa kharini ndranga yangu, mwendro nyi nga gira kharini gasi hi mana gutsaka ndrangani. Bhibhiliya yi ngu phasa dzimiliyoni nya vathu gu mana mihlamulo nya siwudziso nya lisima nya guvbanye nigu yi ngu va phasa gu mana wusingalagadzi va nga wu thumisago tshigu ni tshigu. Khu lisine, vatshavbo va nga phasega khu gu hevbula Bhibhiliya.
1. Khu sevbini siwudziso nyo khaguri esi Bhibhiliya yi hlamulago?
Bhibhiliya yi nga hlamula siwudziso sesi nya lisima: Womi wu phede kharini? Khu yavbini makungo nya womi? Gasi ho vbanyeya ginani? Ginani gi giregago ga muthu a gufa? Abari gu vathu vatshavbo va ngu gu vbweta gurula, khu ginani mafuni gu tadego khu dzinyimbi? Ina mafu ma na tshuka ma fuviswa? Bhibhiliya yi ngu hi kutsa gu vbwetedzeya mihlamulo nya siwudziso sesi, nigu dzimiliyoni nya vathu va vbwetedzeyago mihlamulo yakona, va ngu mana mihlamulo yi phasago.
2. Bhibhiliya yi nga hi phasa kharini gu mana litsako tshigu ni tshigu?
Bhibhiliya yi na ni wusingalagadzi nya wadi. Khu giyeyedzo, yi ngu hevbudza edzi dzindranga dzi nga manago khidzo gutsaka nya lisine, yi hi embeya esi hi yedego gu gira ha gu ba hi garadzega ni edzi hi nga manago khidzo litsako thumoni wathu. U na hevbula esi Bhibhiliya yi si hevbudzago khu mahungu yaya ni simbe silo gambe khu gu phaswa khu muhevbudzi wago. Tiyisega gu khuwe “Milowo yatshavbo nya Guage [yi gomogo omu nya Bhibhiliya] . . . yi ngu phasa.” — 2 Thimoti 3:16.
Libhuku leli kha li tshikedzi Bhibhiliya. Ganiolu, la gu gu kutsa gu gevisisa Bhibhiliya khu wabune. Khu kharato, hi ngu gu kutsa gu leri Milowo yi gomogo avba nya gihevbulo ni gihevbulo u bwe u yi fananisa ni esi u hevbulago.
GIRA WUGEVISISI NYO ETE
Wona edzi Bhibhiliya yi phasago khidzo vathu ni edzi u nga tsakago khidzo khu gu yi leri, u bwe u wona gu khuwe khu ginani si gu na ni lisima gu lomba giphaso gasi gu yi pwisisa.
3. Bhibhiliya yi ngu hi thangeya
Bhibhiliya ya gu fana ni kandriya. Iyo yi nga hi phasa gu hunga gu gira silo nya sadi yi bwe yi hi embeya esi si na giregago mindru wa tshigu.
Lerini Ndzimo 119:105, mu vbedza mu bhula khu siwudziso sesi:
-
Mulovi nya ndzimo yeyi, a di gu yi wona kharini Bhibhiliya?
-
Uwe ke, wa gu yi wona kharini Bhibhiliya?
4. Bhibhiliya yi nga hlamula siwudziso sathu
Nyamayi nyo khaguri wonide gu khuye Bhibhiliya yi hlamude siwudziso nya lisima si nga ba si mu garadza khu myaga nya yingi.Sistirini VHIDHYU, mu vbedza mu bhula khu siwudziso sesi:
-
Siwudziso muni a nga ba ari naso nyamayi wa avba nya vhidhyu?
-
Gu hevbula Bhibhiliya si mu phaside kharini?
Bhibhiliya ya gu hi kutsa gu gira siwudziso. Lerini Matewu 7:7, mu vbedza mu bhula khu giwudziso gegi:
-
Khu sevbini siwudziso u gu naso u tsakeyago gu khuwe Bhibhiliya yi gu hlamula?
5. U na tsaka khu gu leri Bhibhiliya
Vathu nya vangi va ngu tsaka khu gu leri Bhibhiliya. Sistirini VHIDHYU, mu vbedza mu bhula khu siwudziso si landreyago:
-
Vaphya va avba nya vhidhyu va gu dzipwa kharini khu gu leri Bhibhiliya?
-
Ambari olu va gu mba gola gu leri, khu ginani va golago gu leri Bhibhiliya?
Bhibhiliya yari khiyo yi nga hi ninga sihevbudzo si hi thaveleyago yi bwe yi hi ninga gutumba. Lerini Varoma 15:4, mu vbedza mu bhula giwudziso gegi:
-
Ina u ngu tsakeya guti nya singi maningano ni situmbiso si gomogo avba nya livhesi leli?
6. Hi nga phaswa khu vambe gasi gu pwisisa Bhibhiliya
Vbavbandze basi nyo leri vonga Bhibhiliya, vambe va wonide gu khavo gu lomba giphaso ga vambe si ngu phasa ngudzu. Lerini Mithumo 8:26-31, mu vbedza mu hlamula giwudziso gegi:
-
Ginani hi yedego gu gira gasi hi pwisisa Bhibhiliya?— Wona mavhesi 30 ni 31.
Muetiyopi a di vbweta giphaso gasi gu pwisisa Milowo. Vathu nya vangi muhuno va ngu phasega khu gu hevbula Bhibhiliya ni vambe
VAMBE VARI KHAVO: “Wa gu dzi vbedzeya tepo khu gu hevbula Bhibhiliya.”
-
U di hadzi khuwe ginani? Khu ginani?
REZUMO
Bhibhiliya yi na ni wusingalagadzi hi nga wu thumisago tshigu ni tshigu womini gwathu, yi ngu hlamula siwudziso nya lisima yi bwe yi thaveleya ni gu ninga gutumba vathu.
Siwudziso nyo wusedze
-
Wusingalagadzi muni nya wadi hi nga wu manago omu nya Bhibhiliya?
-
Khu sevbini siwudziso nyo khaguri esi Bhibhiliya yi hlamulago?
-
Ginani u dogoreyago gu hevbula omu nya Bhibhiliya?
HEVBULA SIMBE
Bhibhiliya yi na ni wusingalagadzi nya wadi wu nga hi phasago muhuno.
“Wusingalagadzi nya Bhibhiliya kha wu vbindredwi” (Mukhedziseyi nya N.° 1 nya 2018, khu Giputukezi)
Wona edzi Bhibhiliya yi phasidego khidzo mwama moyo a nga ba a dwanisana ni mapimo nyo dzipwe na si phasi gilo na ngari muphya.
Wona wusingalagadzi nya Bhibhiliya maningano ni ndranga.
“12 silo si phasago ndranga gu tsaka” (Khendzugani! nya N.° 2 nya 2018, khu Giputukezi)
Vathu nya vangi va ngu dzi wudzisa gu khavo khu mani a fumeyago litigo. Khu kharato, wona esi Bhibhiliya yi ganeyago maningano ni oyu a fumeyago litigo.
Khu ginani u yedego gu hevbula Bhibhiliya?— Vhidhyu yatshavbo (3:14)
You May Also Like
SIWUDZISO VA TALAGO GU GIRA
Ginani gihevbulo nya Bhibhiliya?
Mana mihlamulo nya edzi hi girago khidzo gihevbulo nya Bhibhiliya.
