Vathu nya vangi va ngu tshangana ni sigaradzo si va girago va vbeledwa khu gutsaka, va garadzega si bwe si va pwisa guvbisa. Ina u di nga tshangana ni sigaradzo si nga gu gira u dzipwa khu ndziya yeyi? Adzina u ngu tshaniseka khu kotani nya madwali mwendro kholu u fedwego khu muthu u mu golago. Adzina u ngu dzi wudzisa, khuwe: ‘Ina silo si na tshukwata?’ Bhibhiliya yi ngu hlamula siwudziso sesi.

1. Ginani egi Bhibhiliya yi tumbisago khu wumindru?

Bhibhiliya yi ngu tshamuseya gu khiyo khu ginani hi emisanago ni sigaradzo nya singi, nigu iyo gambe yi ngu ganeya khu mahungu nya yadi ma gu khayo nya mba hweya, Nungungulu a na fuvisa satshavbo sigaradzo sesi. Situmbiso sa omu nya Bhibhiliya si nga gu ninga “gitumbo ga matshigu ma nga gutago.” (Leri Jeremiya 29:11, 12.) Situmbiso sesi si nga hi phasa gu timiseya sigaradzo ni gu bwe hi mana gutsaka muhuno, nigu situmbiso sesi si ngu hi tiyisegisa gu khiso hi na tsaka kala gupindruga mindru wa tshigu.

2. Wumindru muni nyo tsakise owu Bhibhiliya yi tumbisago?

Bhibhiliya yari khiyo mindru wa tshigu “gufa, gulila gu na vbela, ni gudilela ni wuvi.” (Leri Gutuledwa 21:4.) Sigaradzo si girago vathu va vbeledwa khu gutsaka muhuno, nya nga wusiwana, gu pharwa khu ndziya nya mba yadi, madwali ni gufa, nya mba hweya kha si na nga manega gambe. Bhibhiliya yo tumbisa gu khiyo vathu va na dzi buza khu womi nyo pindruge Paradhesini mafuni.

3. U nga engedzeya kharini gu tumba gu khuwe esi Bhibhiliya yi si ganeyago si na tadzisega?

Vathu nya vangi va ngu tumba gu khavo makhalelo nya litigo leli ma na tshukwata, ambari ulolo kha va tiyisegi gu khavo isoso si na girega. Ganiolu, situmbiso si gomogo omu nya Bhibhiliya si na tadzisega. Hi nga engedzeya gu tumba esi Bhibhiliya yi si ganeyago khu gu hi ‘gevisisa gwadi Milowo.’ (Mithumo 17:11) Wa gu hevbula Bhibhiliya u na si kodza gu wona wabune gu khuwe ina u nga khodwa esi Bhibhiliya yi si ganeyago khu wumindru gani.

 GIRA WUGEVISISI NYO ETE

4. Bhibhiliya yo tumbisa gu khiyo hi na vbanya kala gupindruga nya mba na sigaradzo

Nga wona lista yi landreyago nya situmbiso si gu romo omu nya Bhibhiliya. Khu gevbini gitumbiso gi gu tsakisago ngudzu? Khu ginani?

Lerini milowo yi khumbugwago avba nya situmbiso soso, mu vbedza mu bhula khu siwudziso sesi:

• Ina milowo yeyi yi ngu gu phasa? Ina valongo ni dzipari dzago va nga phasega navo khu gu hevbula milowo yeyi?

Dzi dundrugeye na wu vbanya omu nya litigo nya gu:

 5. Situmbiso nya Bhibhiliya si ngu phasa

 REZUMO

Bhibhiliya yi na ni situmbiso nya singi maningano ni wumindru. Situmbiso sesi sa gu hi ninga gutumba si bwe si tshukwadzisa womi wathu muhuno.

Siwudziso nyo wusedze

• Khu ginani vathu va yedego guti nya singi maningano ni situmbiso sa Nungungulu?

• Ginani egi Bhibhiliya yi ganeyago khu wumindru?

• Gu manega ni gutumba khu wumindru si nga gu phasa kharini muhuno?