GIHEVBULO 4
Khu mani Nungungulu?
Hi nga ganeya gu khethu gukhugeya va vangwa vathu, avo va ngu khozeya vanungungulu nya vangi. Ganiolu, Bhibhiliya yo ganeya khu Nungungulu moyo a gu khongolo guvbindra vatshavbo. (2 Dzikoronika 2:5) Khu mani Nungungulu yoyo? Nigu khu ginani Bhibhiliya yi gu khiyo uye khongolo guvbindra ava vambe vanungungulu? Omu nya gihevbulo gegi hi na hevbula khedzi hi nga mu tigo khidzo Nungungulu.
1. Khu levbi lina la Nungungulu, nigu ginani gi yeyedzago gu khigyo uye o vbweta gu khuye hi liti lina laye?
Nungungulu a ngu ganeya lina laye omu nya Bhibhiliya. Wari khuye: “Eni kheni [Jehovha, NM]. Eli khilo lina langu.” (Leri Isaya 42:5, 8.) Khu guya khu vagevisisi nyo khaguri, lina “Jehovha” wuvbindrugedzeyi nya Gihebheru wu thulago gu khuwo “O gira gu si girega.” Jehovha o vbweta gu khuye hiti lina laye. (Ekisodha 3:15) Ha gu siti kharini isoso? Uye giride gu lina laye li lowa omu nya Bhibhiliya guvbindra 7000 malanga. a Khu Nungungulu nya lisine basi a gu romo ndzadzini ni mafuni a ninganedwago khu lina Jehovha. — Dhewuteronome 4:39.
2. Ginani egi Bhibhiliya yi ganeyago khu Jehovha?
Vathu va ngu khozeya vanungungulu nya vangi, ganiolu Bhibhiliya yari khiyo Jehovha khuye enga Nungungulu nya lisine. Khu ginani? Gu na ni sighelo nya singi. Mwalo a gu na ni tshivba guvbindra Jehovha. Khu kharato, uye khugegide ngudzu vbatsani nya litigo latshavbo. (Leri Ndzimo 83:18.) Uye Nungungulu nya “tshivba yatshavbo” kholu na ni tshivba nyo gire ni gevbini a gi vbwetago. Khuye a ‘vangidego silo satshavbo’ mafuni ni ndzadzini. (Gutuledwa 4:8, 11) Jehovha khuye enga a gu Nungungulu gukhugeya gale nigu a na simama nari Nungungulu nya lisine kala gupindruga. — Ndzimo 90:2.
GIRA WUGEVISISI NYO ETE
Wona guhambana gu gomogo vbakari nya sikhalo sa Nungungulu ni lina laye nya guhathege. Wona gambe edzi Nungungulu a li tivegisidego khidzo lina laye nigu khu ginani a giridego isoso.
3. Nungungulu na ni maranelo nyo hambanehambane, ganiolu na ni lina limwedo basi
Ina gomo guhambana vbakari nya sikhalo sa Nungungulu ni lina laye? Gasi gu mana hlamulo nya giwudziso gegi, sistirini VHIDHYU, mu vbedza mu bhula khu giwudziso gegi.
-
Khu gwevbini guhambana gu gomogo vbakari nya lina ni gikhalo, nya nga “Pfhumu”?
Bhibhiliya yari khiyo vathu va ngu khozeya vanungungulu nya vangi ni dzipfhumu nya dzingi. Lerini Ndzimo 136:1-3, mu vbedza mu bhula khu giwudziso gegi:
-
Khu mani “Nungungulu wa vanungungulu” ni “Pfhumu nya dzipfhumu”?
4. Jehovha o vbweta gu khuye u muti u bwe u thumisa lina laye
Ginani gi yeyedzago gu khigyo Jehovha o vbweta gu khuye uti lina laye? Sistirini VHIDHYU, mu vbedza mu bhula khu giwudziso gegi.
-
Khu ginani u pimisago gu khuwe Jehovha o vbweta gu khuye vathu va liti lina laye?
Jehovha o vbweta gu khuye vathu va thumisa lina laye. Lerini Varoma 10:13, mu vbedza mu bhula khu siwudziso sesi:
-
Khu ginani si gu sa lisima gu thumisa lina la Nungungulu, Jehovha?
-
Wo dzipwa kharini tepo muthu a gu dundrugago khu lina lago?
-
Ahati Jehovha ke, o dzipwa kharini tepo u mu ranago khu lina laye?
5. Jehovha o vbweta gu khuye u khala pari yaye
Nga wona matimu ya nyamayi nyo khaguri wa Cambodja nyo pwani khu Soten. Wari khuye guti lina la Nungungulu ni tshamuselo walo si mu giride a dzipwa khu ndziya nya gu “gukhugeya a velegwa a di si dzipwi khiyo.” Sistirini VHIDHYU, mu vbedza mu bhula khu giwudziso gegi.
-
Kha nga hi si wonidego omu nya vhidhyu, womi wa Soten wu vbindrugedzide kharini tepo a ngati lina la Nungungulu?
Kha si kodzegi gu khala pari nya muthu na wu si pheyi khu guti lina laye. Lerini Jakobe 4:8a, mu vbedza mu bhula khu siwudziso sesi:
-
Ginani egi Jehovha a gu kutsago gu gira?
-
Guti ni gu thumisa lina la Nungungulu si nga gu phasa kharini gu hidzimeya ngudzu vbafuvbi gwaye?
VAMBE VARI KHAVO: “Nungungulu khu Nungungulu, kha si lombi gu khiso a manega ni lina.”
-
U ngu khodwa gu khuwe lina la Nungungulu khu Jehovha?
-
Nungungulu o vbweta gu khuye vathu va thumisa lina laye. Ahati uwe ke, u nga si tshamuseya kharini isoso ga mumbe muthu?
REZUMO
Jehovha khilo lina la Nungungulu wa moyo nya lisine. Uye o vbweta gu khuye hi khala dzipari dzaye. Gasi gu si kodzega isoso, gu vbwetega hiti hi bwe hi thumisa lina Jehovha.
Siwudziso nyo wusedze
-
Khu ginani Jehovha a hambanidego ni ava vambe vanungungulu?
-
Khu ginani hi yedego gu thumisa lina la Nungungulu?
-
Ginani gi yeyedzago gu khigyo Jehovha o vbweta gu khuye u hidzimeya vbafuvbi gwaye?
HEVBULA SIMBE
Wona livbandre sighelo si yeyedzago gu khiso Nungungulu womo.
“Ina Nungungulu womo?” (Ndrima nya jw.org, khu Giputukezi)
Khu ginani si pwisisegago gu khodwa gu khethu Nungungulu womo gukhugeya gale.
“Khu mani a nga vanga Nungungulu?” (Mukhedziseyi nya 1 Agosto nya 2014, khu Giputukezi)
Ambari olu hi gu mba dziti edzi lina la Nungungulu li nga ba li ranwa khidzo gupheyani, khu ginani si gu sa lisima gu li thumisa lina leli?
“Khu mani Jehovha?” (Ndrima nya jw.org, khu Giputukezi)
Ina Nungungulu a ngu tsaka khu gu hi mu rana khu mambe maranelo vbavbandze nya lina laye? Wona gighelo gi hi girago hi ganeya khethu uye o wa ni lina limwedo basi.
“Malina mangani a gu nawo Nungungulu?” (Ndrima nya jw.org, khu Giputukezi)
a Gasi guti simbe khu lina Jehovha ni guti gu khu ginani vambe vavbindrugedzeyi va ngu dusa lina leli omu nya Bhibhiliya, khedza Apêndice A4 omu nya Tradução do Novo Mundo da Bíblia Sagrada.
You May Also Like
SIWUDZISO VA TALAGO GU GIRA
Ginani gihevbulo nya Bhibhiliya?
Mana mihlamulo nya edzi hi girago khidzo gihevbulo nya Bhibhiliya.
